Романот „Тунел“, збирката раскази „Боемите“ и стихозбирката „Пофалби и поплаки“ (во една книга), „Бежанци“ и збирките песни „Јазли“ (во едно издание), „Лакримариј“, „Последните селани“, „Скакулци“ и „Дални наковални“ се дел од новата ексклузивна едиција со дела од Петре М. Андреевски, кои излегоа од печат во издание на „Арс Либрис“, дел од „Арс Ламина –публикации“. Наскоро се очекува и објавувањето на „И на небо и на земја“ , како и книгата за деца „Шарам барам“, која ќе излезе во посебна едиција.

Книгите, кои се дел од едицијата „Македонски книжевни класици“, се илустрирани од неговата внука Воскресија Андреевска. 

Петре М. Андреевски (25.06.1934, с. Слоештица – 25.09.2006, Скопје) е поет, прозаист, драмски автор, литературен критичар и преведувач, кој со својот многудецениски опус афирмира творештво што го вбројува во најзначајните и најистакнати современи македонски писатели, чии дела – а особено стихозбирката „Дениција“ и романот „Пиреј“ – стануваат општопризнаени дострели на македонската современа книжевност и неодминливо четиво на генерации љубители на литературата.

Изданијата се достапни во сите Литература.мк книжарници и онлајн на следниот линк: https://www.literatura.mk/ListBooksByAuthor.aspx?aut=8901

Во рамките на најголемата книжарница во Македонија – Literatura.mk Superstore, во „Скопје сити мол“, почнува со работа Cafe Literatura. 

Кафулето е еден од најзначајните новитети на новата суперпродавница на „Литература.мк“, каде што ќе може да се испие добро кафе и да се прочита убава книга. Кафе-барот на „Литература.мк“, што опфаќа 60 m2 од внатрешноста на Literatura.mk Superstore, и 100 m2 на терасата, е архитектонски модерно дизајниран простор, осмислен за релаксација и споделување убави моменти, опкружен со пријатен амбиент и богат избор на книги и многу други уникатни производи.

Ова е првиот локал каде што ексклузивно е застапено едно од најдобрите кафиња „Кафе Италија“ (Café Italia). Во кафе-книжарницата, ќе има три типа на специјално кафе Бурундu, Бразил и Етиопија, брендирани како Café Literatura. Инаку, „Кафе Италија“ e добро позната компанија за печење кафе од Фијано, северно од Рим.

Гостите ќе можат да уживаат во различни видови коктели (Хемингвеј специјал, Москов мјул, Битвин д шитс и многу други) и смути (вери бери, пинат батер, чоко смути и супер фуд смути). Застапени се и топли напитоци, безалкохолни пијалаци, избрани брендови на алкохол и селекција на квалитетни вина.

Новоотворената книжарница Literatura.mk Superstore, која е со површина од 500 м², има богата понуда на книги за сите генерации на неколку јазици, програма за подароци, канцелариска и училишна опрема, играчки и друго. Суперпродавницата е сместена на вториот кат на „Скопје сити мол“, на местото на некогашната игротека, на неколку метри од досегашниот продажен простор на „Литература.мк“.

На 31. издание на најголемата книжевна манифестација кај нас, што од 8 до 14 мај ќе се одржи во ВИП арената „Борис Трајковски“, на штандот на „Арс Ламина“ и „Литература.мк“ ќе се одржат десетина промоции на книги од домашни автори и познати имиња од Унгарија, Србија, Хрватска и Албанија. Под мотото „Пронајди се во добра книга“ ќе можат да се најдат повеќе од 1000 книги за сите генерации, од белетристиката, книжевност за деца и стручната литература.

Промоции на популарната хрватската писателка Ведрана Рудан и на ѕвездата на „Забрането пушење“ и „Топ-листа на надреалистите“, д-р Неле Карајлиќ, повеќе од 400 нови наслови и попусти до 70%, се дел од богатата понуда на издавачката куќа „Арс Ламина ‒ публикации“ и книжарниците „Литература.мк“ на годинашниот Саем на книгата.

Подетално можете да ја погледнете програмата за сите денови од саемското претставување на линкот во продолжение: https://blog.literatura.mk/2019/05/07/ars-lamina-i-literatura-mk-na-saem-na-knigata-2019/