Равенка на животот

Што навистина се случува во еден универзитетски кабинет, во една мрачна есенска ноќ? Постар маж талка низ собата, запишува броеви по ѕидовите. Тоа е Јак, почесен професор по математика на универзитетот, кој сè уште е посветен на својата работа иако има речиси осумдесет години. Но, сеќавањето почнува да го издава, чувствува дека нешто не е како што треба. Очаен да го сочува минатото во умот, Јак сфаќа дека полека ја снемува неговата независност. Може да му помогне само една личност – Малин, ќерката од која се оддалечил. Мора да ја повика и да ѝ ги раскаже своите сеќавања пред засекогаш да му се изгубат. Трогателна и полна со животно значење, ова е приказна за еден остарен татко и за неговата средовечна ќерка, приказна во која се истражуваат теми како внимателната грижа и помирувањето, во која се говори за длабоките слоеви од нашиот живот, често скриени пред нашите најблиски – приказна за љубовта, за тоа како нештата да се исправат пред да стане предоцна. „Емоционално патување низ времето, преку кое се доловува суштината на цел еден животен век. Напишана со нежен стил, ве кани да не ја оставите додека не ја прочитате докрај.“ – BTJ, Sweden Прекрасен ум се среќава со Таткото и со Кога жеравите летаат на југ од Лиза Ридзен, во овој роман од квалитетната современа фикција, напишан во истиот дух со кој Фредрик Бакман го напиша Секое утро, патот до дома станува сè подолг и подолг. „Равенката на животот е топла и чувствителна приказна за постар татко и за неговата ќерка кои пловат низ животот секој на свој начин. Ова книга е прекрасна на многу начини. Крајот на овој роман ве погодува право в срце.“ – Ljudbokskulla „Тивок и длабоко трогателен приказ на сеќавањата, на помирувањето, на тоа колку малку честопати знаеме за животот на оние кои ни се најблиски. Мислам дека авторката мајсторски ги преплете минатото и сегашноста, но на начин што во ниеден момент тие две не се мешаат меѓу себе. Книгава долго време ќе ми остане во мислите. Прекрасна е, емоционална, и длабоко ме трогна.“ – Bokblossa „Софија Лундберј ме трогнува до срж со нејзиниот преубав стил и извонредна способност да изразува емоции на начин со кој навистина се соживеав со чувствата, како на Малин, така и на Јак. Додека ја читав книгата, плачев, се смеев, останував без здив, се плашев и се лутев. А, кога ја прочитав и ја затворив, посакав одново да ја читам.“ – OrdtokaBoktoka „Како и во претходните романи од Софија Лундберј, и ова е приказна која навистина го ангажира и го трогнува читателот. Лундберј поседува исклучителен талент да ги заживее своите ликови низ топол и искрен стил. Фасцинантна и неочекувана приказна која се одвива додека таткото си спомнува за своето минато. Моќен приказ за тоа како траумите од детството можат да ја обликуваат личноста. Истовремено е и искрен приказ на деменцијата и на грижата за постар родител. Но, во оваа книга има простор и за пријателството, за љубовта, за исполнувањето на соништата. Не треба да ја пропуштате.“ – Tantmaud „Секогаш кога излегува од печат нова книга од Софија Лундберј, чувствувам посебна радост. Таа пишува апсолутно прекрасно. Нејзиниот стил е како музика за моите уши. Неверојатно добра книга.“ – Boktips och hundar