Калинка

Две реки, две судбини, две војни... многу страст, многу надежи, многу страдање... Прекрасен роман раскажан со лирска топлина, кој нѐ води вешто низ лавиринтите на историскиот контекст, Балканската војна и Првата светска војна. Полн со детали, описи, мириси и шаренила како источна бајка, но и рационален опсерватор и бележник на временскиот период, ова е роман кој прашува дали сме ние само сенки во овој свет, во овој живот кој поминува покрај нас како река? Дејствието кое се одвива на релација Трабзон – Табриз – Тифлис – Батум – Баку – Истанбул следи две приказни, приказната на Зехра, бисерот од Табриз, затекната од судбината на мухаџирлукот, загубата и целото бреме на младоста кое се судира со бремето на времето во кое живее таа, и приказната за Сетархан, син на богат трговец со теписи од Табриз, затекнат од оганот на страста, традицијата и моралните дилеми и фрлен во светот полн со настани кои не нѐ прашуваат како и зошто се случуваат? Нивните две реки течат немирно низ кривулестите корита додека не се спојат и не продолжат да течат мирно кон морето на вечноста. Назам Бекириглу наоѓа фантастичен начин да се вовлече и да го оживее времето на нејзините ликови, да нѐ носи бајковито по скалилата на нивните животи и да нѐ искачи на врвот, исполнети со зборови и слики кои не се забораваат долго...