Ѕвезди по клепките

Кога сакаш уште од животот, подготвен ли си да се откажеш од она што го имаш? „Ѕвезди под клепките“ е можен одговор на некои од најголемите загатки на животот: каде, кога и како ја среќаваме љубовта. И како ја препознаваме? Дали во тоа ни помагаат ѕвездите што ни треперат под клепките? Раскошен роман за најзначајните и најтешките животни прашања и дилеми. Повеќеслојна сага со три испреплетени приказни во кои палимпсестно се испишани најмалку уште толку, колку лични толку и универзални. Во нив треперат копнежи и разделби среде историски битки, премолчани зборови, неискористени можности и неодговорени прашањата: еден ли е светот или има мноштво светови во кои паралелно течат нашите животи? Постои ли во некој од нив нашата сродна душа и дали со неа ни се случува љубов на прв поглед? И дали таа љубов е способна да ја премости големата разлика во годините и да ги надмине сите пречки што ѝ стојат на патот?... Во стилот на големите мајстори, Терзијски не води на возбудлива прошетка низ времето и судбината, поткревајќи ја пред нашите очи завесата на животот. За него, некаде под очните капаци на секој од нас има нешто многу поголемо, до кое малкумина успеваат да допрат. И со кое гледаат многу повеќе отколку што нуди реалноста.