Македонски јазик и литература I, учебник

Учебникот по предметот Македонски јазик и литература за прва година гимназиско образование е изработен во согласност со наставната програма, со целосно почитување на поставените цели и очекуваните резултати од учењето. Содржината е организирана во три тематски целини: Јазик и комуникација, Литература, изразување и творење и Медиумска писменост. Секоја тема систематски го води ученикот низ клучните поими и неопходните знаења, притоа поттикнувајќи ги активната мисла, личниот израз и комуникациската свест и писменост. Структурата на учебникот е внимателно приспособена на возраста и интересите на учениците, со јасна и поддржувачка поставеност на содржините. Запознавањето со формите на усно и писмено изразување, како и поттикнувањето на индивидуална креативност во користењето на јазикот, а преку содржините за медиумска писменост учењето ја осознава неопходноста од поседување вештини од оваа област во денешно време. Како мајчин јазик на мнозинството од населението, македонскиот јазик е темел на личниот и културниот идентитет. Разбирањето на неговиот развој и на книжевното наследство, но и на историјата и на придонесот на светската литература е суштинско за формирањето на самосвесни, критички ориентирани и одговорни млади личности.