Зад решетки

#10 СЕКТОРОТ Q Тимот мора да се сврти кон себе за да го реши нерешениот случај што го става нивниот водач зад решетки, место каде што има многу непријатели, а времето немилосрдно тече. Ден по Божиќ, шефот на Секторот Q, инспектор Карл Морк, со лисици на рацете го возат кон затворот „Вестре“ во Копенхаген. По петнаесет години му се удира од глава еден случај од минатото. Обвиненијата за трговија со дрога и убиство му се закануваат да му го уништат животот и кариерата. Но некој го мести. Се нуди награда од милион долари за да се погрижат дека Карл нема да прозбори, што го става во смртна опасност меѓу затворените криминалци и корумпираните полициски службеници. Прашањето е: Зошто? Неговите колеги од полицијата веднаш му го вртат грбот, оставајќи ги Росе, Асад и Гордон како негов единствен спас. Во потрага по вистината, тројцата се принудени да ги прекршат наредбите од горе за да се обидат да го решат случајот. Бидејќи Карл секојдневно води битка со платени убијци испратени од непознатиот мозок што стои зад заговорот, мораат да дејствуваат побрзо од кога било ако сакаат да му го обелат образот и да му го спасат животот.