Претставата „Себастијан и ѕвездите“ во „Литература.мк“, „Дајмонд мол“

Вчера, на 13 април (недела) со почеток во 14 часот, во книжарницата „Литература.мк“ во „Дајмонд мол“, се одржа настан посветен на најмладите, кој понуди едукативна и забавна содржина со музичко-сценска изведба.

Настанот ја претстави оригинално создадената приказна за малечките браќа Себастијан и Кристоф, кои секоја вечер играат игри во дворот од нивната куќа и ги набљудуваат ѕвездите. Особено внимание привлече моментот кога браќата ќе ја забележат најсјајната ѕвезда – Голд Стар, која ќе им довери задача да ја пронајдат Музичката кутија и да ја ослободат музиката на Универзумот.

Претставата, инспирирана од делото на Јохан Себастијан Бах, успешно го комбинираше светот на фантазијата со музичката едукација, а публиката имаше можност да ужива во внимателно разработена сценска изведба.

На сцената настапија Тина Иванова и Дијана Имери-Илкоска, кои преку раскажување и интерпретација придонесоа приказната да допре до секој присутен.

Настанот привлече голем интерес и беше одлично прифатен од децата, но и од возрасните кои беа дел од публиката.