Автор во фокус: Саманта Даунинг - кралицата на мрачните трилери што ве држат будни

Акцијата „Автор во фокус“ продолжува со една од најпознатите американски авторки на трилери – Саманта Даунинг. Во периодот од 6 до 10 август, нејзините интернационални бестселери „Мојата прекрасна сопруга“, „Тој почна сѐ“ и „За ваше добро“, во издание на „Арс Либрис“, дел од „Арс Ламина – публикации“, се достапни со 30 % попуст во сите книжарници на Литература.мк и онлајн на www.literatura.mk.  Со купен сет книги од Саманта Даунинг, добивате и подарок ваучер за кафе во Café Literatura!

Саманта Даунинг е авторка на трилери со меѓународен успех, чии книги се најдоа на листите на USA Today и The Sunday Times. Родена е во Калифорнија, а има живеено и во Њу Орлеанс. Денес живее и работи во областа на заливот Сан Франциско.

Пишувањето ѝ било хоби сè додека еден пријател не го пратил нејзиниот ракопис за „Мојата прекрасна сопруга“ до уредник во издавачка куќа. По објавувањето во 2019 година, романот веднаш станал хит – номиниран е за наградите Edgar, ITW и Macavity во САД, за CWA наградата во Велика Британија, и ја освои престижната француска награда Prix des Lectrices. Уште една потврда за нејзиниот успех е тоа што Amazon Studios и продукциската куќа на Никол Кидман – Blossom Films ги откупија филмските права за „Мојата прекрасна сопруга“. Критиките за романот беа одлични:

„‘Декстер’ се среќава со ‘Г. и г-ѓа Смит’ во овој диво компулсивен дебитантски трилер за двојка чиј петнаесетгодишен брак конечно станал премногу интересен...“

„Мрачно и неодоливо дебитантско дело.“ – People Magazine

„Трилерот со кој сме највозбудени да останеме будни цела ноќ.“ – Entertainment Weekly

По дебито, Даунинг продолжи со уште три успешни трилери:

„Тој почна сѐ“ (2020) – мрачен и духовит трилер за семејни тајни што излегоа од контрола.

„За ваше добро“ (2021) – сместен во елитно училиште, каде што добрите намери се претвораат во злосторства.

„Извртена љубовна приказна“ (2023) – според The Nerd Daily, ова е: „Смел и забавен трилер за млад пар што им дава сосема ново значење на опасностите од модерното запознавање.“

Дополнително, нејзината кратка новела „Sleeping Dogs Lie“ (2021) е достапна во аудиоверзија. Љубителите на Саманта Даунинг со нетрпение го очекуваат нејзиниот најнов трилер: „Престара за ова“, кој ќе биде објавен на 12 август 2025 година во САД.

 Искористете ја можноста да се запознаете со светот на Саманта Даунинг – каде ништо не е онака како што изгледа, а секоја страница носи ново изненадување.