.jpg)
Доаѓа периодот кога мораме да се погрижиме сите наши драги жени да го добијат сè она што го заслужиле. Ако не го правиш тоа преку целата година, тогаш сега е вистински момент да се покажеш!
Од 1 до 8 март 2024 година во книжарниците „Литература.мк“, и преку е-книжарницата www.literatura.mk, ќе се реализира продажна акција со попусти до 50% насловена како „Таа заслужува“. Со слоганот „Таа заслужува“ оваа година „Литература.мк“ го потенцира разбирањето на предизвиците со кои се соочуваат жените и нивната потреба за време само за себе. За таа цел, осмомартовската акција содржи со уникатни подароци за вашите драги жени.
Најдобриот подарок за Осми март, најискрениот израз на љубов и почит е дефинитивно книгата. Кога некому подарувате книга, му подарувате искрени емоции, незаменливо искуство и време што ќе си го посвети себеси, хранејќи ја својата душа. Поради сите дами и важни жени кои се ваша најголема поддршка и мотивација, „Литература.мк“ подготви специјална празнична акција на избрани наслови.
Во продажната акција „Таа заслужува“, „Литература.мк“ издвои серија наслови во издание на „Арс Ламина“ со попусти до 50%. Меѓу насловите ќе ги најдете „Најубавите љубовни писма на сите времиња“, „Деса“ и „Брезите што шумеа крај Темза“ на попуст до 50%. Со намалување до 40% се насловите „Опра: Биографија“, „Невидливиот живот на Ади Лару“, „Тој почна сè“, „Кејт: идната кралица“, „Сто љубовни сонети“, „Последната од девојките Месечини“, „Те знам“, „Писатели и љубовници“ и „Сакај ја диво“. На попуст до 30% можат да се најдат насловите „Мојата прекрасна сопруга“, „Природно убави со биодевојка“, „Седумте мажи на Евелин Хуго“, „Стоте највлијателни жени во историјата“, „Хузур“, „Жената со црвена коса“ и „Се викам црвена“ од Орхан Памук и „Хамнет“.
Покрај изборот од книги што релаксираат, инспирираат и нудат одговори на длабоки прашања, во акцијата се вклучени внимателно селектирани подароци за домашен декор и животен стил од најпознатите италијански брендови, како „Baci Milano“ со попуст од 30%, и „Alessi“ и „Egan“ со попуст од 20%.
„Baci Milano“ е луксузен италијански бренд што ви нуди уникатни чаши, дифузери за мириси, чинии, бокали, шолји, послужавници, шишиња и низа други декоративни предмети за домот со неприкосновен квалитет и типична италијанска префинетост.
„Alessi“ е компанија што секојдневните уреди за во кујна ги креира со несекојдневен дизајн и функционалност. Производите се создадени од најпознатите имиња во областа на дизајнот, архитектурата и индустрискиот дизајн.
Италијанскиот бренд „Egan“ во „Литература.мк“ е застапен со ламби, вази, шолји за кафе и чај, сетови со шолји и чајници со препознатливи артистички илустрации.
Покрај италијанските брендови во акцијата се вклучени и „Pomme Pidou“ – најшарените и најслатките украсни предмети, најубавите декоративни шолји од „Hanipol“, како и модни ранци, торби и додатоци од „Scoterice“, сите на попуст од 20%.
На крајот, во „Литература.мк суперстор“ во „Дајмонд мол“, „Скопје сити мол“, „Ист гејт мол“ за секој купен производ од брендот „CV Cristal“ ќе добиете уште еден гратис.
Драги дами, среќен 8 Март. Ги заслужувате сите подароци на овој свет, секој ден од годината.
