Ново

Најдоброто станува подобро: „Литература.мк“ и „КупиКнига.мк“ стануваат едно

15.12.2023.
Најдоброто станува подобро: „Литература.мк“ и „КупиКнига.мк“ стануваат едно
Најдоброто станува подобро: „Литература.мк“ и „КупиКнига.мк“ стануваат едно

Под слоганот „Најдоброто станува подобро“, „Литература.мк“ го најави спојувањето со „КупиКнига.мк“ во една е-книжарница. И двете е-книжарници, кои досега беа најпосетуваните интернет-страници за купување книги кај нас, продолжуваат да работат на заедничката веб-адреса www.literatura.mk, со што „Литература.мк“ станува и најголемата македонска е-книжарница.

„Купувањето книги преку интернет последниве години доживеа огромна експанзија. Затоа донесовме одлука што гарантира дека ќе продолжиме да го имаме најзабележливото присуство како во нашите физички книжарници, така и на интернет. Со припојувањето на ’КупиКнига.мк‘ кон ’Литература.мк‘, стануваме прва и најголема страница за купување книги, со најголем и најдобар избор, најдобро корисничко искуство и најпрофесионална грижа за сите читатели во нашата држава“, истакна Александра Лукиќ, маркетинг-директор на „Литература.мк“.

Во областа на онлајн-продажбата на книги, „КупиКнига.мк“ успешно функционираше повеќе од десет години. Спојувањето кон „Литература.мк“ е со цел да се пресретнат потребите на поголем број корисници, овозможувајќи им, пред сѐ, на брз и едноставен начин да дојдат до книгата што ја сакаат.

„Спојувањето на двете најголеми македонски е-книжарници е исклучително важен момент за сите љубители на читањето – го зголемува потенцијалот за уште подобри продажни акции, како и за неприкосновен професионализам во онлајн-малопродажбата и дистрибуцијата на книги до купувачите“, додаде Андреа Ичокаева-Бундалевска, раководител на е-продавницата „literatura.mk“.

Книжарниците „Литература.мк“ се веќе препознатливи сврталишта за сите љубители на книгите. Продажните места се уредени според современите светски стандарди и се лоцирани на најфреквентните места во Скопје, Битола и во Струмица. На полиците на книжарниците застапени се книги од најголемите издавачки куќи, домашни и странски, како и едукативни изданија, дизајнирани артикли и производи од гифт-програмата, од повеќе домашни и странски брендови и компании. Книжарниците се конципирани и како места за одржување на разни културни настани, промоции на книги, концерти, бизнис-презентации и снимања.

На е-продавницата „Литература.мк“ застапени се над 15.000 производи од 70 издавачки куќи, како и од 80 гифт-брендови, како подароци, дизајнерски додатоци за домот и канцеларијата, играчки, едукативни, арт и колекционерски производи и училишна опрема.

Остави коментар

Во моментов нема коментари

Слични статии

02.
Sep.
Вести
Ракописот со наслов „Кривата Дијана (роман за верижната вина)“ од Фросина Пармаковска, е добитник на книжевната награда „Пегаз“ за на...
02.
Sep.
Најнови изданија
Новиот прирачник наменет за средните стручни економски училишта - АНАЛИТИЧКО-СМЕТКОВОДСТВЕН ПЛАН од Виолета Несторовска, во издание на „Арс Ламина&ldqu...
14.
Aug.
Ново
„Пробив кон глобална алијанса: Непознатите познати на НАТО“ од Лазар Еленовски излезе од печат во издание на „Арс Ламина“.
13.
Aug.
Акции
Од 13 до 17 август, „Автор во фокус“ е токму Габриел Гарсија Маркес, чии книги: „Се гледаме во август“, „Љубов во време на коле...
11.
Aug.
Вести
Четири години по отворањето во најголемиот трговски центар кај нас „Ист гејт мол“, книжарницата Literatura.mk Superstore доби значително проширув...
07.
Aug.
Ново
Новите сликовници „Предрасуди“ и „Традиција“ се вистинско летно освежување на лингвистичко-едукативната едиција „Големи зборови...
06.
Aug.
Акции
Акцијата „Автор во фокус“ продолжува со една од најпознатите американски авторки на трилери – Саманта Даунинг.
05.
Aug.
Ново
Нови производи за миленици во Литература.мк – удобност, стил и забава на едно место! 
31.
Jul.
Вести
На 31 јули во 1965 година, во Јејт, Англија, е родена британската писателка Џ. К. Роулинг, најпозната по фантастичниот серијал книги за деца „Хари Поте...
22.
Jul.
Акции
Акцијата „Автор во фокус“ ја продолжуваме со Лијан Моријарти – позната по нејзините трилери и романси, кои се адаптирани во популарни ТВ-се...
array(0) {
}
Memory Consumption is: 5.7 MB