Ново

Промоција на стручната книга „Колоквијалниот изговор во Скопје...“ од д-р Блага Панева

14.11.2024.
Промоција на стручната книга „Колоквијалниот изговор во Скопје...“ од д-р Блага Панева
Промоција на стручната книга „Колоквијалниот изговор во Скопје...“ од д-р Блага Панева

Стручната книга „Колоквијалниот изговор во Скопје и влијанието на артикулациjата на гласовите врз нарушувањето на правоговорната и правописната норма“ од д-р Блага Панева, во издание на „Супрема“, ќе биде промовирана на 20 ноември (среда), во 19 часот, во „Литература.мк“ во „Дајмонд мол“. Промотори на книгата ќе бидат проф. д-р Веселинка Лаброска, редовен професор, дописен член на МАНУ, и д-р Александар Маркоски, вонреден професор и активен јавен обвинител.

Во публикацијата се  обработува еден од најгорливите проблеми поврзани со изговорот на македонскиот јазик - колоквијалниот изговор во Скопје и неговото влијание врз нормата. Во делото се опфатени: Македонскиот јазик во основното образование со посебен акцент на програмското подрачје јазик; Анализа на гласовните промени во писмените текстови; Консонантски групи во почетна, медијална и финална позиција; Финални согледувања од анализите и насоки за подобрување. Изданието  е заокружено со прилози и резиме на македонски и англиски јазик, како и список на богата користена литература.

Делото е произлезено од докторската дисертација со наслов „Артикулациjата на гласовите и акцентирањето во колоквијалниот изговор во Скопје и нивното влијание врз нарушувањето на правоговорната и правописната норма во наставата (врз база на корпус од говорни и пишани материјали)“, која Панева ја има одбрането на Филолошкиот факултет „Блаже Конески“ во 2022 година.

Ако основната цел во секоја наставна програма по македонски јазик и литература, во сите степени на образованието, е „учениците правилно усно и писмено да се изразуваат“, тогаш грешките што ги прават тие, особено во писменото изразување, упатуваат на потребата од наоѓање начини и форми за подобрување. Поаѓајќи од фактот дека употребата на информатичко-комуникациската технологија влијае врз изговорот и пишувањето кај младите, целта на оваа книга е да го претстави начинот на изразување и пишување кај средношколската младина, притоа посебно обрнувајќи внимание на зачестеноста во правописните грешки, ситуација што е во голема мера недозволива за ученици од повисоките одделенија во основното образование, а уште помалку за ученици од средното образование.

Aвторката д-р Блага Панева е родена во 1963 година, во Скопје. Дипломирала на Филолошкиот факултет во Скопје. Од 1989 до 2002 година работи како професор/наставник по македонски јазик и литература во средните училишта во Скопје „Лазар Танев“, „Гоце Делчев“, „Владо Тасевски“ и „Никола Карев“ и во ОУ „Васил Главинов“ во Велес. Од 2002 година до денес работи како советник во Бирото за развој на образованието во Скопје.

Има објавено повеќе научни и стручни трудови во списанијата: „Литературен збор“, „Стремеж“, „Образовни рефлексии“, како и во повеќе зборници од меѓународни научни конференции, на македонски, но и на англиски јазик.

Со Јадранка Клисарова и Јован Радески е коавторка на учебниците Македонски јазик со елементи на национална култура,за прво, второ и трето одделение, наменети за децата на нашите иселеници во странство (Република Србија). Исто така е коавторка на повеќе книги и прирачници: Нови аспекти на инспекторирањето во образованието, со д-р К. Петковски; Самоевалуацијата во училиштата, со д-р Лиз Томсон, д-р Дон Квист и група автори; Промоција на хумани вредности, со м-р Дарко Јорданов и  група автори; Прирачник за наставата по немајчин јазик, д-р Алесандро Бенати и група автори; Концепција за изработка на учебник со методологија за вреднување на учебник, група автори; Збирка на добри практики за планирање и реализација на наставна содржина со примена на критичко размислување, решавање проблеми и кодирање.

Книгата „Колоквијалниот изговор во Скопје...“ е достапна во книжарниците „Литература.мк“ и онлајн преку www.literatura.mk

Остави коментар

Во моментов нема коментари

Слични статии

14.
Nov.
Вести
Три книги објавени од издавачката куќа „Арс Ламина“ се добитници на наградата „13 Ноември“ за 2026 година, што ја доделува Град Скопј...
02.
Nov.
Акции
Со попусти до 90 % на повеќе од 20.000 производи, синџирот книжарници „Литература.мк“ од 3 до 30 ноември ќе ја реализира големата продажна акција...
29.
Oct.
Најнови изданија
„Арс Ламина“ ја објави „Букварка“, новата вежбанка наменета за учениците од прво одделение во деветгодишното основно образование.
28.
Oct.
Ново
Животната и музичка приказна на Славе Димитров, еден од клучните творци на златната ера на македонската забавна музика, е во фокусот на новата книга „Ч...
08.
Oct.
Најнови изданија
По „Атлас на светот“, „Животни“ и „Моето тело“, популарниот серијал илустрирани книги за деца „Моите патувања&ldquo...
28.
Sep.
Вести
„Само еднаш“ е приказна за љубовта што не исчезнува со годините, за семејните врски, за последиците од нашите одлуки и за онаа човечка желба што ...
04.
Sep.
Вести
Третиот конкурс за наградата „Оливера Николова“ за најдобар необјавен роман за деца и млади за 2027 година е во тек и ќе трае заклучно со 31 деке...
04.
Sep.
Вести
Со почетокот на новата учебна година, за првпат во Македонија на учениците им се достапни целосно дигитални учебници за деветто одделение, со интегрирани инт...
03.
Sep.
Ново
Новата сликовница „Белче“ од македонската авторка Милена Лунеска излезе од печат во издание на „Либи“, дел од „Арс Ламина &ndas...
02.
Sep.
Вести
Ракописот со наслов „Подѕирнати животи“ од Огнена Никуљски е добитник на книжевната награда „Пегаз“ за најдобар необјавен роман во 20...
array(0) {
}
Memory Consumption is: 5.17 MB