Стоиме заедно против ракот

Дали вие или некој од вашите најблиски сте доживеале болест или друга ситуација што во потполност ви го сменила животот? Дали сте им помагале на блиските додека тие се борат со тешка или неизлечива болест и сте се прашале како и дали би го издржале тоа искуство? На болните од рак, на тие што се грижат за нив и на семејствата на болниот! Моќта на вашата мисла може да го подобри вашиот живот кога се справувате со несаканата дијагноза. „Стоиме заедно против ракот“ е полна со едноставни и практични совети како да му помогнете на болниот. Книгата го опишува емоционалното искуство на болниот од рак и нуди инспирација на сите оние што се соочиле со дијагноза на рак или некоја друга тешка ситуација. • Прочитајте 40 совети како да му помогнете на болниот и себеси • Научете да побарате надеж и светлина на крајот од тунелот • Научете да понудите љубов, приватност и надеж преку молитва • Научете да му помогнете на блискиот да комуницира со семејството • Научете како да ги почитувате желбите на блискиот • Научете да се грижите за себеси, да останете позитивни и да го гледате секој ден како скапоцен подарок! „Стоиме заедно против ракот“ низ поезија го опишува патот на авторката која му помага на својот брат во неговата битка со ракот. Таа нуди совети како да му овозможите на болниот да има што понормален секојдневен живот и ги повикува сите луѓе да испратат позитивна и лековита енергија до братот и до сите кои се соочуваат со некоја сериозна тешкотија. Зана опишува како постојано планира активности, меѓу кои и патување до родната Македонија, за да му ја негува надежта на својот брат. Со бескрајна позитивност, верба и надеж, Зана го поддржува својот брат и се надева дека нејзините зборови ќе им помогнат и на други во слична ситуација. Зана Кењар е лидерски консултант, креатор и автор на интернационалниот бестселер „Becoming a Legacy Leader“. Како основач на ZK Publishing House, таа ги инспирира другите да ги остварат своите соништа преку пишување, издавање и лидерство. Нејзината мисија е да ги мотивира луѓето да создадат трајни наследства со позитивност, креативност и цел. За