Концерт на „Симеон Ангеловски квартет“ во „Литература.мк“, „Дајмонд мол“

Вчера, на 10 април (четврток), со почеток во 21 часот, публиката во „Литература.мк“ – „Дајмонд мол“ уживаше во вечер исполнета со уникатна музичка енергија и автентичен звук. Настапот на Симеон Ангеловски квартет ја претвори оваа вечер во вистинско музичко патување.

Настапија: Симеон Ангеловски, Иван Иванов, Давид Горгиев, Андреј Петровски

„Симеон Ангеловски квартет“ е музички проект основан во 2023 година. Репертоарот на квартетот се состои од оригинални композиции чиј автор е Симеон Ангеловски. Покрај тоа, бендот изведува и дела од познати светски артисти и композитори, како и адаптации на традиционални теми, специјално приспособени за звучниот идентитет на квартетот.

Материјалот под наслов „Промени“ (Changes) претставува музички израз на целото досегашно искуство на басистот и композитор Симеон – т.е. фузија на џез, балкан, афро, соул и ориентални звуци преточени во нова музика. Бендот е составен од џез-музичари чија заедничка идеја и пасија е љубовта кон музиката до сите нејзини убавини и мистерии низ кои, преку овој квартет, заедно патуваат, се забавуваат и создаваат.