.jpg)
Македонските фанови, конечно, ќе можат да учествуваат на настан инспириран од светот на Pokémon (Покемон)!
Книжарницата „Литература.мк суперстор“ во „Дајмонд мол“ ќе биде домаќин на првиот официјален Pokémon-настан во нашата земја, кој ќе се одржи на 23 март (сабота), со почеток во 18 часот.
На интерактивниот настан, кој „Литература.мк“ го организира во соработка со „Комикс“ и „Пагода“, ќе се одржи размена на карти, турнир со играта Pokemon Go на мобилен, ќе има едукативен и натпреварувачки дел, како и многу изненадувања и подароци. Исто така, ќе има и презентација на брендот за најмладите посетители.
„Литература.мк“, како најголем застапник на производи инспирирани од светот на Pokémon, ќе обезбеди многубројни изненадувања и награди за македонските фанови. Исто така, почнувајќи од 15 март, ќе има 20% попуст за онлајн-нарачките преку https://www.literatura.mk/proizvodi/pokemon на дел од производите на Pokémon.
Pokémon е популарна јапонска франшиза, која се состои од видеоигри, анимирани серии и филмови, размена и игри со карти и друго. Франшизата се одвива во заеднички универзум, во кој луѓето коегзистираат со суштества познати како Pokémon.
Настанот во „Литература.мк суперстор“ е од отворен тип и за фанови од сите генерации, кои може да се вклучат во размената и во игрите.
Gotta Catch 'Em All во Скопје!
Ве очекуваме!
