.jpg)
.jpg)
Втора година по ред најголемата онлајн-книжарница www.literatura.mk e прогласена за најдобра е-продавница за култура, настани и едукација на Ecommerce Awards. На свеченоста, која се одржа вчеравечер (14 март), во DoubleTree by Hilton Skopje, беа наградени најдобрите во македонската е-трговија за 2023 година.
Literatura.mk беше номинирана и во категориите Е-трговец со најдобро искуство за е-плаќање, Е-трговец со најдобра грижа за корисници, Е-трговец за најдобро присуство на социјални медиуми, Е-трговец за различни производи и Е-трговец на годината.
На изборот беа доделени 39 награди. Во категориите каде што имало повеќе од 30 кандидати се доделија три награди, а во тие со помалку пријавени имаше еден победник. За најдобрите одлучи гласањето на публиката и стручно жири.
На е-продавницата literatura.mk се застапени повеќе од 15.000 производи од 70 издавачки куќи, како и од 80 гифт-брендови, како подароци, дизајнерски додатоци за домот и канцеларијата, играчки, едукативни, арт и колекционерски производи и училишна опрема.
Онлајн-книжарницата literatura.mk е едно од осумте продажни сервиси на „Литература.мк“, покрај книжарниците, кои се лоцирани на најфреквентните места во Скопје, Битола и Струмица. На сајтот се застапени изданија од сите книжевни жанрови, белетристика, домашни и светски класици, стручна литература, изданија за деца, лектири, дидактички материјали, гифт-програма и друго.
