Настани

Светот на Pokémon оживеа во „Литература.мк“

25.03.2024.
Светот на Pokémon оживеа во „Литература.мк“
Светот на Pokémon оживеа во „Литература.мк“

Светот на Pokémon оживеа во Скопје! Како на светските собири посветени на мегапопуларната јапонска анимирана франшиза, „Литература.мк“ во „Дајмонд мол“, во саботата (23 март) неколку часа беше епицентар на феноменот Pokémon. Неколку стотици македонски фанови, од повеќе генерации, беа дел од првиот официјален Pokémon-настан во нашата земја, кој „Литература.мк“ го организираше во соработка со „Комикс“ и „Пагода“.

 

Интерактивниот настан почна со едукативна презентација, со која најмладите посетители се запознаа со почетоците на Pokémon, дознаа интересни факти, а имаше и мини-квиз на кој беа доделени награди за најбрзите (и точни) одговори.

 

Во вистинска покемон-атмосфера, проследена со тематска музика, видеоинсерти, играчки, украси и маски со омилените ликови, следуваше обука за играње со безвременските карти. Многумина посетители ги имаа донесено своите лични колекции и албуми со карти, а голем дел од нив и се разменуваа. Повозрасните фанови се вклучија во турнирот во мобилната видеоигра Pokémon GO. На турнирот Pokémon Go PvP, проследен со многу возбуда и адреналин, првото место го освои Васко Ѓорѓиевски. На втората позиција се најде Виктор Игнов, трет беше Златко Стефковски, а четврто место беше Димитри Желков.

 

„Литература.мк“, како најголем застапник на производи инспирирани од светот на Pokémon, обезбеди награди и вредносни ваучери за победниците на турнирот и на квизот, како и многубројни изненадувања за посетителите.

– Ни претставува големо задоволство што преку овој настан го донесовме Pokémon- универзумот во нашата метропола, и покажавме дека тука има и публика и услови за одржување случувања од светски калибар. Покемон има своја многубројна публика во нашата земја. Тоа се покажа и со овој настан. Драго ни е што имавме можност на едно место да ги собереме фановите од сите генерации, да се дружат, да разменат знаења, но и карти. Им честитаме на најуспешните на турнирот и благодарни сме на сите што се пријавија, и што дојдоа на натпреварот. Особено нѐ радува што во публика имаше млада, многу добро информирана Pokémon-публика – велат од „Литература.мк“.

 

 

Тимот на „Пагода“, што се вклучи во едукативниот дел, како и во турнирот, вели дека одржувањето на првиот официјален Pokémon-настан е од големо значење за фановите во Македонија.

– Pokémon во „Литература.мк“ означува еден јубилеен ден за нашата заедница. Историјата на серијата и игрите е длабоко вкоренета во нашата поп-култура и можеме да кажеме дека сме почестени што бевме дел од организацијата на првиот официјален Pokémon-настан на нашите простори. Ретка и прекрасна глетка е да се видат толкав број фанови од различни возрасти на едно место здружени преку игра, размена, комуникација и здраво ривалство. Се надеваме дека ова е почеток на една нова ера за Pokémon-фанови во нашата држава. Сакаме од сè срце да им се заблагодариме на „Literatura.mk“, кои нам и на нашите пријатели „Comics.mk“ ни веруваа на сите сугестии и ги испочитуваа сите наши барања за овој настан да помине онака како што помина, велат од „Пагода“.

Pokémon е една од најпопуларните јапонски франшизи, која се состои од видеоигри, анимирани серии и филмови, размена и игри со карти и друго. Франшизата се одвива во заеднички универзум, во кој луѓето коегзистираат со суштества познати како Pokémon.

 

Производите инспирирани од Pokémon се достапни во сите книжарници на „Литература.мк“, како и онлајн на www.literatura.mk.

 

Поврзани производи

Sačuvano u omiljne
Motivišuće
Kreativno
Prilagođeno uzrastu
1.290 МКД
Sačuvano u omiljne
Motivišuće
Kreativno
Prilagođeno uzrastu
1.390 МКД

Остави коментар

Во моментов нема коментари

Слични статии

17.
Apr.
Настани
Со свеченост во книжарницата „Литература.мк“ во „Дајмонд мол“, вчеравечер (16 април) беше врачена наградата „Пегаз“ за 20...
12.
Apr.
Настани
Си беше еднаш... Ова се првите зборови со кои почнува раскажувањето на приказните, волшебно навестување дека почнува ново патување во светот на бајките. Со о...
11.
Apr.
Настани
Свеченото доделување на наградата „Пегаз“ за 2023 година и промоцијата на победничкиот роман – „Риба во(н) мрежа“ од авторката ...
09.
Apr.
Настани
Новата книга за деца, со најубавите бајки на сите времиња, „Си беше еднаш“, ќе биде промовирана на 11 април (четврток), со почеток во 19 часот, в...
05.
Apr.
Настани
Светот на децата, нивното растење, нивните палавости, мудрости, емоции и разни ситуации, се инспирација за неуморниот писател Васил Мукаетов, кој, вчеравечер...
04.
Apr.
Настани
Новата книга „Има ли и страна петта?“ на еден од најплодните македонски писатели за деца, Васил Мукаетов, ќе биде промовирана денес, на 4 април (...
03.
Apr.
Настани
Сликовницата „Рокчето“ од Никола Маџиров, чија приказна е поврзана со настанување на градот Струмица, се врати дома – во градот под Царевит...
29.
Mar.
Настани
Сликовницата „Рокчето“ од поетот Никола Маџиров, со илустрации на Анета Илиевска, ќе биде промовирана на 2 април (вторник), во 18 часот, пред кни...
21.
Mar.
Настани
Со мисија да им помогне на децата во првите чекори во самостојно читање, како и да даде значајна поддршка на наставниците за време на часовите, професорката ...
20.
Mar.
Настани
Новиот едукативен комплет „Мојата прва библиотека“ од авторката Деспина Мукоска, со илустрации на Калиопи Трпчева, ќе биде промовиран денес, 20 м...
array(0) {
}
Memory Consumption is: 10.48 MB