Literatura.mk повторно ја освојува титулата за најдобра е-продавница за уметност, култура, настани и едукација!

По трет пат, најголемата онлајн-книжарница www.literatura.mk е прогласена за најдобра е-продавница во категоријата уметност, култура, настани и едукација на престижните Ecommerce Awards. Наградите беа доделени на свечената церемонија што се одржа синоќа (12 март) во Skopje Marriott Hotel, каде што беа признати врвните достигнувања во македонската е-трговија за 2024 година.

Освен што триумфираше во оваа категорија, Literatura.mk беше номинирана и за:

Е-трговец на годината,
Најпопуларна е-продавница,
Мобилна апликација за е-трговија на годината,
Е-трговец со најдобро присуство на социјални медиуми,
Е-трговец со најдобра грижа за корисници.
Оваа година, наградите за најдобрите е-трговци во Македонија се доделија по четврти пат, при што најдобрите во индустријата се натпреваруваа во 23 категории, поделени во три главни секции:
✅ Најдобри е-трговци според клучни аспекти на онлајн продавање,
✅ Најдобри е-продавници по сектори,
✅ Шампиони во е-трговија.