.jpg)
За среќен и успешен почеток на новата учебна година, на 13 септември (сабота), со почеток во 18 часот, Детскиот парк на „Скопје сити мол“ ќе се одржи литературно-музичкиот хепенинг „Читањето е супермоќ“.
Децата ќе пеат со „Пет плус фамилија“, ќе танцуваат со Dancers United, ќе цртаат со Калиопи Трпчева и ДРАШ, ќе читаат со „Арс Ламина“ и ќе се дружат со омилените ликови од книгите: Исидора Мун, Мирабела, Хари Потер, Хермиона и други.
Во рамките на оваа двочасовна дружба ќе бидат наградени и најдобрите учесници од креативниот предизвик „Мојот омилен лик од книгите“, кој е распишан од 4 до 11 септември 2025 година. Сите креативни деца може да пратат цртеж, фотографија, видео или литературна творба инспирирана од омилените ликови од книгите на е-адресата: libi@arslamina.com.
Главната мисија на кампањата „Читањето е супермоќ“, која „Арс Ламина“ ја реализира веќе седма година по ред, е поттикнување на читачките навики кај најмладите.
Настанот е во организација на издавачката куќа „Арс Ламина“, во соработка со „Скопје сити мол“ и „Литература.мк“.
