.jpg)
Интернационалниот бестселер што открива како револуцијата кај квантните компјутери ќе смени сè, „Квантна надмоќ“ од д-р Мичио Каку излезе од печат на македонски јазик.
Ова е второ дело на Каку, по популарната книга „Иднината на умот“, што е во издание на „Арс Либрис“, дел од „Арс Ламина – публикации“.
Нема ниту еден проблем со кој се соочува човештвото што не може да биде адресиран од квантните компјутери. Со својата карактеристична јасност и ентузијазам, д-р Мичио Каку, кој го поминал целиот свој професионален живот работeјќи на квантната теорија, ја раскажува оваа интересна и возбудлива научна приказна за трката за освојување на иднината на човештвото.
Сензационалниот успех на микрочипот можеби конечно стигнува до својот крај. Како што транзисторите стануваат сè помали, достигнувајќи ја големината на атомите, феноменалниот раст на компјутерската моќ неизбежно колабира. Но, оваа промена го навестува раѓањето на револуционерен нов тип компјутер што пресметува директно врз поединечните атоми.
Квантните компјутери ветуваат невидени придобивки во компјутерската моќ, овозможувајќи напредоци што би можеле да ги променат сите аспекти на нашиот секојдневен живот. Додека медиумите главно се фокусираат на нивниот изненадувачки потенцијал да ги пробијат сите познати методи на енкрипција, веќе почна трката да се искористи нивната неверојатна моќ за револуционизирање на индустријата. Производителите на автомобили, медицинските истражувачи и консултантските фирми – сите се обложуваат на квантната компјутерска технологија за дизајнирање на поефикасни возила, создавање нови животоспасувачки лекови и оптимизација на бизнисите. Но, ова е само почетокот. Квантната компјутерска технологија може да се користи за дешифрирање на сложените хемиски процеси потребни за производство на евтини ѓубрива и ослободување на втора Зелена револуција; создавање супербатерија што ќе ја овозможи соларната ера; или дизајнирање на нуклеарни фузиски реактори за производство на чиста, безбедна и обновлива енергија. Може дури и да ги открие неверојатно тешките процеси на „свиткување“ на протеините што се наоѓаат во срцевината на досега неизлечливите болести, како Алцхајмеровата болест, АЛС и Паркинсоновата болест. Квантните компјутери веќе се користат за да помогнат во решавањето на најголемата мистерија во науката – потеклото на универзумот.
Книгата е достапна во сите поголеми книжарници и онлајн преку www.literatura.mk.
