.jpeg)
Вчера, на Светскиот ден на уметноста, 15 април (вторник), со почеток во 19 часот, се одржа незаборавна вечер посветена на уметникот Киро Урдин. Настанот беше вистинска прослава на креативноста и визионерството, низ проекцијата на наградуваниот документарец „Планетариум“ и изложбата на фотографии и афоризми од самиот Урдин.
Документарниот филм „Планетариум“, во режија на Киро Урдин и Иван Митевски, го раскажа патот на првото уметничко дело создадено ширум светот – дело со површина од 48 квадратни метри, едно од најголемите во современа Европа. Оваа слика, работена од 1996 до 1997 година, ги обединува културите и континентите, и е поставена како основа на ликовниот правец мондидализам – концепт што го слави светот како едно платно.
„Планетариумот“ не е само слика, туку мултимедијален проект кој ја доби наградата за најдобар документарен филм на Меѓународниот фестивал на независни филмови и документарци во Њујорк во 2005 година.
Покрај филмската проекција, посетителите уживаа во внимателно подготвена изложба со фотографии од создавањето на делото и афоризми од Киро Урдин.
Настанот беше вистинска почит кон еден од најзначајните македонски уметници и инспирација за сите љубители на уметноста.
