Филм

Вториот филм инспириран од книгите за Енола Холмс премиерно на Нетфликс

02.11.2022.
<strong>Вториот филм инспириран од книгите за Енола Холмс премиерно на Нетфликс</strong>

Вториот филм инспириран од книгите за тинејџерката-детектив Енола Холмс наскоро ќе биде достапен на популарниот стриминг-сервис „Нетфликс“. Премиерата на „Енола Холмс 2“, со Мили Боби Браун во главната улога, премиерно ќе може да се погледне на четврти ноември. Филмот е во режија на Хари Бредбир, а сценариото на Џек Торн. Покрај харизматичната Мили Боби Браун, во другите главни улоги се јавуваат: Хенри Кавил, Хелена Бонам Картер и други.

Судејќи според гледаноста на првиот филм (90% позитивни оценки од критиката на „Ротен томејтоуз“), кој беше објавен во 2020 година, се очекува и вториот дел да биде мегахит на „Нетфликс“. Филмовите се базирани на бестселер-романите од авторката Ненси Спрингер за авантурите помалата сестра на познатиот детектив Шерлок Холмс.

Книжевниот серијал „Мистериозните случаи на Енола Холмс“ на македонски јазик е во издание на „Либи“, дел од „Арс Ламина – публикации“. На полиците на книжарниците „Литература.мк“ веќе се достапни првите четири книги од серијалот: „Исчезнатиот маркиз“, „Левораката дама“, „Бизарните букети“ и „Необичното розово ладало“.

Досега, во периодот од 2006 до 2010 година, во Англија се објавени вкупно шест продолженија на серијалот. Романите се совршени за вљубениците во Шерлок Холмс, детективската фикција и мистериите. Главната протагонистка на книгите и филмовите е 14-годишната Енола Холмс, екстремно интелигентна тинејџерка-детектив.

„Исчезнатиот маркиз“ е првата книга од серијалот „Мистериозните случаи на Енола Холмс“. Кога Енола ќе открие дека мајка ѝ е исчезната, таа веднаш тргнува во Лондон да ја бара. Но, дали е спремна за сè што ја очекува во големиот град? Таа бргу се замешува во киднапирањето на еден млад маркиз, истовремено е во бегство од опасни криминалци и од сопствените браќа – кои сакаат од неа да направат дама – а покрај тоа, се обидува да ги протолкува трагите што ќе ѝ го објаснат чудното исчезнување на мајка ѝ. Дали Енола ќе се справи со сите овие предизвици?

Во втората книга од серијалот, „Левораката дама“, Енола Холмс е во бегство! Зад петиците ѝ е, ни помалку ни повеќе, нејзиниот постар брат Шерлок Холмс. Сепак, додека се обидува да му се измолкне на легендарниот детектив – во најголемиот, најмрачниот и највалканиот град на светот – таа ги открива неочекуваните цртежи на леди Сесили, што ѝ оставаат силен впечаток. Но, леди Сесили е исчезната без трага. Храбро трагајќи по левораката дама низ темните улици на Лондон, Енола ризикува повеќе од што треба. Ги ризикува сопствениот идентитет и сопствениот живот, во случај многу покомплексен од обично исчезнување на една леворака дама.

Во „Бизарните букети“ д-р Џејмс Вотсон е исчезнат: Лондон е во шок, а дури и неговиот најдобар пријател и соработник, познатиот детектив Шерлок Холмс, нема ни најмала трага. Случајот, навидум, изгледа беспомошно заглавен. Сепак, еден детаљ го привлекува вниманието на Енола, најмладиот член на семејството Холмс – бизарен букет испратен во домот на д-р Вотсон, што само таа забележува, означува смрт. Енола мора колку што е можно побргу да го пронајде и да го спаси д-р Вотсон, а во исто време да остане скриена од своите постари браќа, кои постојано ја бараат.

Во „Необичното розово ладало“ Енола е во шок откако добива очајна, но скриена порака од својата познајничка леди Сесили: мора да ѝ помогне, ама не знае како. Овој комплициран случај – во чијшто центар се наоѓа едно необично, розово ладало – ја принудува Енола да истражува низ целиот Лондон, за да сфати конечно: леди Сесили е заробеничка! За случајот, исто така, заинтересиран е и нејзиниот постар брат, Шерлок. Дали Енола може да му верува? И дали може да ја спаси Сесили навреме?

Романите за Енола Холмс се достапни во сите книжарници на „Литература.мк“ и онлајн преку https://www.literatura.mk.

https://bit.ly/3xLcMbM

Остави коментар

Во моментов нема коментари

Слични статии

24.
Aug.
Филм
Филмот Маестро“ е инспириран од биографијата „Леонард Бернштајн“ од Хемфри Бартон во издание на „Арс Либрис“, дел од „Арс...
17.
Aug.
Филм
Ако барате топла, забавна и инспиративна приказна за гледање со најмладите, тогаш филмот „Флора и Улис “ е одличен избор!
10.
Aug.
Филм
Ако сè уште не сте ја гледале „Дамски гамбит“, време е да ја додадете на вашата листа – не само како серија, туку и како книжевно де...
01.
Aug.
Филм
За сите обожаватели на мистериите и книгите на Агата Кристи, овој викенд ја препорачуваме серијата „Госпоѓица Марпл“
27.
Jul.
Филм
Ако сте љубител на семејни драми преплетени со тајни од минатото, топло ви ја препорачуваме новата телевизиска адаптација „Последната годишнина“,...
20.
Jul.
Филм
Фантастичниот свет создаден од Филип Пулман во трилогијата „Темната граѓа“ оживеа на малите екрани во ТВ-серијата „Неговата темна граѓа&ldq...
13.
Jul.
Филм
Сите млади љубители на научно-фантастичните авантури овој викенд можат да уживаат во филмот „Артемис Фаул“, снимен според истоимениот роман за мл...
06.
Jul.
Филм
Светскиот бестселер „Девет совршени туѓинци“ од Лијан Моријарти, во издание на „Арс Либрис“, дел од „Арс Ламина – публика...
01.
Feb.
Филм
Возбудливата историска приказна од интернационалниот бестселер „Минхен“ од Роберт Херис е подлошка за филмот „Минхен: Работ на војната&ldqu...
25.
Jan.
Филм
Книжевниот класик на Џек Лондон „Повикот на дивината“ доби возбудлива филмска адаптација, со Харисон Форд во главната улога. 
array(0) {
}
Memory Consumption is: 5.71 MB