.jpg)
Ако сте расположени за акција, возбуда и доза напнатост, овој викенд имаме идеална препорака за вас. Во кино „Синеплекс“ пристигна „Тркачот“, новата филмска адаптација на истоимениот роман на Стивен Кинг – приказна што ќе ве држи во неизвесност до последниот кадар.
Филмот „Тркачот“ е снимен по истоимениот роман на Стивен Кинг, објавен во издание на „Арс Либрис“, дел од „Арс Ламина – публикации“.
„Тркачот“ (The Running Man) е научнофантастичен акциски трилер во режија и продукција на Едгар Рајт, според сценарио на Рајт и Мајкл Бекал. Ова е втора адаптација на романот од 1982 година, по филмот од 1987 година.
Во филмот играат Глен Пауел, Вилијам Х. Мејси, Ли Пејс, Мајкл Сера, Емилија Џоунс, Џош Бролин, Колман Доминго и други. Премиерата се одржа на 5 ноември 2025 година во Лондон, а филмот се прикажува во кината од средината на ноември.
„Тркачот“ го следи Бен Ричардс, човек без работа и без надеж. Неговата ќерка е сериозно болна, а тој и неговата сопруга не можат да си дозволат лекарска помош. Единствен излез за човек од сиромашната страна на градот е да се пријави во едно од бруталните телевизиски шоуа на „Мрежата“ – натпреварувања во кои можеш да заработиш богатство или да умреш обидувајќи се.
Бен станува дел од најгледаното шоу „Тркачот“, каде што животот и смртта стануваат забава за масите. Дали ќе успее да го надмудри системот и да преживее?
Во свет во кој забавата и насилството се споени, човек се приклучува на смртоносна игра во која натпреварувачите можат да се движат насекаде низ светот, но постојано се прогонувани од „ловци“ најмени да ги убијат. Само еден може да преживее – и да ја добие наградата.
Книгата „Тркачот“ е достапна во книжарниците на Литература.мк и онлајн на www.literatura.mk.
