Настани

Сашо Кузмановски: За да можат македонските крими-романи да ги надминат физичките граници на државата, првин треба да ги видиме во внатрешните граници

12.02.2024.
Сашо Кузмановски: За да можат македонските крими-романи да ги надминат физичките граници на државата, првин треба да ги видиме во внатрешните граници
Сашо Кузмановски: За да можат македонските крими-романи да ги надминат физичките граници на државата, првин треба да ги видиме во внатрешните граници

Во исполнетата книжарница на „Литература.мк“ во „Дајмонд мол“, на 9 февруари се одржа промоција на вториот роман на Сашо Кузмановски, крими-трилерот „Бахус“. Романот го промовираше уредничката во издавачката куќа „Арс Ламина“, Бисера Бендевска, која низ разговор со авторот го претстави неговото второ дело, а заедно продискутираа на теми поврзани со жанрот криминалистички трилер, за трендовите во светот и кај нас, за перспективите на македонските писатели на трилери и за пробивот надвор од границите на државата.

„Бахус“ е независен втор дел од предвидената трилогија на авторот, во која централен лик е полицискиот инспектор Јован Ингилизов-Џовани. Станува збор за исклучително интелигентен, аналитичен и реалистичен трилер, поткован со знаења за антиката и за ритуалите што се практикувале во античкиот град Стоби, за окултизмот и псевдонауката, кои вкомпонирани во нашиот контекст, прават еден мајсторски и претставителен криминалистички роман, податлив и за екранизација.

На прашањето каква е неговата писателска постапка, Кузмановски рече: „Секој автор си има свој принцип на работа. Кога почнував да пишувам, мојата идеја беше водена од сознанието дека малкумина од авторите на крими-трилери во Македонија пишуваат на тема што е поврзана со нашево поднебје или барем се случува во нашата околина. Јас тргнав со мислата да направам нешто што би се случувало овде кај нас, а сепак темите да звучат реално и во нашите услови. Така беше со ’Афера во музејот на пари‘, така е и со ’Бахус‘. Многу ме интересираше локалитетот Стоби како една фасцинантна локација со богата историја, а кога почнав да копам по фактите, стигнав до приказни што ми се видоа податливи за во книга. И на сето тоа му додадов една фикциска ’реалност‘, за да изгледа во стилот на новите, модерни крими-трилери што денес главно ги гледаме на екраните во играни филмови или ТВ-серии, иако се надевам дека има многу повеќе луѓе кои сакаат и читателски да ги проследат ваквите приказни. Инаку, во принцип пишувам долго, бидејќи долго истражувам и затоа често му се навраќам на напишаното и го менувам со подобро решение. Откако ќе ја заокружам трилогијата со постојните ликови, сакам да се обидам во поджанрот историски трилер“.

Зборувајќи за „натпреварот“ помеѓу македонските крими-романи и преводните романи од овој жанр што ги има во изобилство во Македонија, и за можноста на домашните автори и нивните дела да излезат од границите на државата, Кузмановски кажа: „За да можат македонските крими-романи да ги надминат физичките граници на државата, првин треба да ги видиме во внатрешните граници. Сметам дека е предност за македонските читатели да читаат романи чиишто дејства се сместени во нашата средина, затоа што секој сака да прочита нешто што е во рамките на она што го опкружува. Приказните што се случуваат некаде далеку, нормално е да звучат поегзотично и да бидат попривлечни. А истовремено, да напишеш приказна што се случува кај нас е многу потешка задача, затоа што приказната е лесно проверлива и на авторот му е потешко да си ’игра‘ со читателот за нешта што тој ги живее: објекти, улици, места, луѓе, ситуации... Тешко е да бидеш реален во ваква ситуација“.

Романот „Бахус“ е во издание на „Арс Либрис“, дел од „Арс Ламина – публикации“ и е достапен во книжарниците „Литература.мк“ и онлајн на интернет-продавницата www.literatura.mk, преку следниот линк https://www.literatura.mk/makedonska-knizevnost/49856-bahus

 

Поврзани производи

Sačuvano u omiljne
Motivišuće
Kreativno
Prilagođeno uzrastu
360 МКД
5,83 EUR

Остави коментар

Во моментов нема коментари

Слични статии

23.
Feb.
Настани
„Литература.мк“, во партнерство со радиото „Џез ФМ“, најави почеток на низа музички настани во новото Café Literatura во &bdqu...
19.
Feb.
Настани
На 16 февруари, со почеток во 19 часот, во Café Literatura во „Дајмонд мол“, беше промовирана едицијата „Порта Европа“, во изд...
15.
Feb.
Настани
На 17 февруари, во кафе-книжарницата „Литература.мк“ во „Ист гејт мол“, Исидора Мун ќе го слави својот осми роденден и многу ќе се ра...
15.
Feb.
Настани
На 16 февруари, со почеток во 19 часот, во Café Literatura во „Дајмонд мол“, ќе биде промовирана едицијата „Порта Европа“, во ...
15.
Feb.
Настани
Вчеравечер, 14 февруари (среда), во книжарницата „Литература.мк“ на улица „Македонија“ се одржа промоцијата на дебитантскиот роман на...
14.
Feb.
Настани
Во топлата и пријатна атмосфера во книжарницата на „Литература.мк“ во „Дајмонд мол“, се одржа промоција на збирката раскази „Гр...
13.
Feb.
Настани
На 14 февруари (среда), во 19:00 часот, во „Литература.мк“ на ул. „Македонија“, ќе се одржи промоција на романот „Девојката што...
09.
Feb.
Настани
Издавачката куќа „Арс Ламина“ ќе ја промовира збирката раскази „Грамадата на пристаништето“ од словенечкиот писател Борис Пахор, во р...
08.
Feb.
Настани
Новата книга на Владимир Лукаш, „Гени, мени, сени“, беше промовирана вчеравечер во „Литература.мк“ на ул. Македонија, во рамките на &...
07.
Feb.
Настани
На 9 февруари (петок), со почеток во 19 часот, во Café Literatura во „Дајмонд мол“, во рамките на „Денови на литературата&ldquo...
array(0) {
}
Memory Consumption is: 10.39 MB