Ново

Авторот на Што ако...?, Мет Мури, одржа литературна работилница во ООУ Кристијан Тодоровски-Карпош

14.11.2021.
Авторот на Што ако...?, Мет Мури, одржа литературна работилница во ООУ Кристијан Тодоровски-Карпош

Еден од авторите на книгата „Што ако...?“, Мет Мури, за време на својот престој во Скопје, деновиве одржа час со учениците од шесто одделение при ООУ „Кристијан Тодоровски-Карпош“. Литературната работилница, која се одржа во т.н. „отворената училница“, односно училишниот двор, беше под менторство на Марија Богоеска, уредничка на едукативни изданија во „Арс Ламина“.

На интерактивниот час учениците се запознаа со книгата „Што ако...?“, која на македонски јазик е во издание на „Либи“, дел од „Арс Ламина – публикации“. Станува збор за книга со прашања и активности за љубопитни умови. Само дел од поинтересните прашања во „Што ако…?“ се: „Што ако нема интернет“, „Што ако не стапневме на месечината“, „Што ако можете да чуете и видите што мислат другите“, „Што ако можевме да патуваме низ времето?“, „Или да одиме во вселената?“, „Што ако јадевме бубачки?“, „Или ако броколи имаат ист вкус како чоколадо?“, „Што ако можете да го промените светот кога ќе пораснете?...“

Мет Мури е американски автор и едукатор, кој во моментов живее во Калифорнија и кој одлично го говори македонскиот јазик. Тој долго време живеел во нашата земја како доброволец во Мировниот корпус и учествувал како предавач во многу македонски градови, меѓу кои и Кратово, каде што предавал во осново училиште. Работилницата во ООУ „Кристијан Тодоровски-Карпош“ се одвиваше на македонски и на англиски јазик. Децата се радуваа што имаа можност да се сретнат со автор кој не е од Македонија, а зборува македонски јазик. Интересно им беше што можеа да зборуваат и на англиски јазик и така да поставуваат прашања.

Учениците беа воодушевени од тоа што пред себе гледаат млад автор, кој не е од Македонија, а го зборува нашиот јазик. Освен основните прашања: како станал писател и колку време им било потребно да ја напише книгата, му поставуваа и прашања во стилот на прашањата од книгата „Што ако...?“

Мури ги поттикна учениците да поставуваа прашања што би можеле да се најдат во книгата. Освен основните прашања: што ако сонцето не изгрее или што ако сите зборуваме на ист јазик, учениците беа исклучиво креативни поставувајќи прашања за вселената и постоењето.

Најинтересен момент им беше разговорот за армадило, па пребаруваа на „Гугл“ какво е тоа животно и прашуваа дали е отпорно на оружје и удари... Паралелно додека ги поставуваа и другите прашања, проверуваа на интернет факти што не им беа познати.

Дружбата со харизматичниот Мури заврши со договор да се сретнат повторно при следната посета на Мури на Скопје.

За спомен од оваа литературна работилница, издавачката куќа „Арс Ламина“ во ООУ „Кристијан Тодоровски-Карпош“ донира примероци од „Што ако…?“, лектири и читанки од шесто до деветто одделение, како и тетратки за учениците кои беа дел од работилницата.

Книгата „Што ако...?“ од Мет Мури и Ендру Р. Мекхју не е како ниту една друга книга што досега сте ја прочитале. Оваа книга не ви кажува што да мислите, туку бара од вас да размислувате со своја глава. Нејзината мисија: да поттикнува љубопитност и истражување. Ќе ве натера да поставувате прашања сè додека не се изморите. Ќе поставувате прашања сè додека конечно не ги претворите своите идеи во активност – отворајќи прозорци кон светови за кои не сте ни знаеле дека постојат. Со поставувањето забавни, отворени прашања, „Што ако...?“ ви овозможува да го земете кормилото во свои раце. А историските настани, забавните активности и одговорите на деца исти како вас само го продлабочуваат истражувањето. Верувајте во моќта на „Што ако...?“

Остави коментар

Во моментов нема коментари

Слични статии

02.
Sep.
Вести
Ракописот со наслов „Кривата Дијана (роман за верижната вина)“ од Фросина Пармаковска, е добитник на книжевната награда „Пегаз“ за на...
02.
Sep.
Најнови изданија
Новиот прирачник наменет за средните стручни економски училишта - АНАЛИТИЧКО-СМЕТКОВОДСТВЕН ПЛАН од Виолета Несторовска, во издание на „Арс Ламина&ldqu...
14.
Aug.
Ново
„Пробив кон глобална алијанса: Непознатите познати на НАТО“ од Лазар Еленовски излезе од печат во издание на „Арс Ламина“.
13.
Aug.
Акции
Од 13 до 17 август, „Автор во фокус“ е токму Габриел Гарсија Маркес, чии книги: „Се гледаме во август“, „Љубов во време на коле...
11.
Aug.
Вести
Четири години по отворањето во најголемиот трговски центар кај нас „Ист гејт мол“, книжарницата Literatura.mk Superstore доби значително проширув...
07.
Aug.
Ново
Новите сликовници „Предрасуди“ и „Традиција“ се вистинско летно освежување на лингвистичко-едукативната едиција „Големи зборови...
06.
Aug.
Акции
Акцијата „Автор во фокус“ продолжува со една од најпознатите американски авторки на трилери – Саманта Даунинг.
05.
Aug.
Ново
Нови производи за миленици во Литература.мк – удобност, стил и забава на едно место! 
31.
Jul.
Вести
На 31 јули во 1965 година, во Јејт, Англија, е родена британската писателка Џ. К. Роулинг, најпозната по фантастичниот серијал книги за деца „Хари Поте...
22.
Jul.
Акции
Акцијата „Автор во фокус“ ја продолжуваме со Лијан Моријарти – позната по нејзините трилери и романси, кои се адаптирани во популарни ТВ-се...
array(0) {
}
Memory Consumption is: 5.71 MB