Ново

Мистериозниот град под калето од Александра Тодоровиќ – најдобра книга за деца на Reader’s Choice Book Awards

23.11.2021.
Мистериозниот град под калето од Александра Тодоровиќ – најдобра книга за деца на Reader’s Choice Book Awards

Интерактивното издание за деца „Мистериозниот град под калето“ од авторката Александра Тодоровиќ, со илустрации на Марко Јанев, победи во конкуренцијата за најдобри ДЕТСКИ КНИГИ И СЛИКОВНИЦИ на изборот Reader’s Choice Book Awards 2021. Книгата, која е во издание на „Либи“, дел од „Арс Ламина – публикации“, освои 844 гласови од читателите. Натпреварот „Книга на годината“ во Македонија се одвиваше онлајн, преку интернет-страницата www.kniganagodinata.mk, а за победниците одлучија гласовите на публиката.

– Благодарам за секој глас. Ова признание ми го стопли срцето и ми даде уште поголема сила за освојување уште повеќе детски срца. Пресреќна сум што „Мистериозниот град под калето“ освои најмногу гласови од читателите во категоријата КНИГИ ЗА ДЕЦА И МЛАДИ. Скопје те сакам. Се гледаме наскоро со нешто ново. Поздрав од мене и од илустраторот Марко Јанев – изјави авторката на книгата Александра Тодоровиќ.

Книгата „Мистериозниот град под калето“ е посветена на Скопје и неговата историја, поточно периодот под османлиска власт. Станува збор за роман-авантура, базиран на концептот прашање и одговор, каде што самиот читател го одредува текот на настаните и дејството, преку избор на страницата што ќе се сврти. Првпат на нашиот пазар, ваквата иновативност е директно поврзана со податоците за градот и аспектите од неговото културно наследство: спомениците, настаните, начинот на облекување, храната, јазикот. Оваа книга не се чита по вообичаен редослед. Младите читатели низ страниците се сретнуваат многу предизвици. Ќе се запознаат со Скопје и со јунаците од неговото минато кои се споменуваат и до ден-денес, бидејќи со своите дела, храброста и јунаштвото оставиле печат зад себе. Со помош на оваа авантура ќе научат еден дел од историјата што е значаен за нашиот главен град. Ќе посетат многу објекти значајни за тоа време и кои до ден-денес постојат за да нè потсетуваат дека Скопје е град со многувековна традиција.

Александра Тодоровиќ

На натпреварот „Книга на годината“ беа номинирани 15 книги од издавачката куќа „Арс Ламина“, кои се натпреваруваа во осум, од вкупно девет категории. Покрај за детска книга, беа доделени награди за најдобар: трилер, романса, историска драма, женска фикција, книга од домашен автор, нефикција, книги за млади и поезија.

Книгата „Мистериозниот град под калето“ е достапна во сите книжарници на „Литература.мк“ и онлајн преку www.literatura.mk на следниот линк:

https://www.literatura.mk/BookDetails.aspx?Pr=14448

Остави коментар

Во моментов нема коментари

Слични статии

14.
Nov.
Вести
Три книги објавени од издавачката куќа „Арс Ламина“ се добитници на наградата „13 Ноември“ за 2026 година, што ја доделува Град Скопј...
02.
Nov.
Акции
Со попусти до 90 % на повеќе од 20.000 производи, синџирот книжарници „Литература.мк“ од 3 до 30 ноември ќе ја реализира големата продажна акција...
29.
Oct.
Најнови изданија
„Арс Ламина“ ја објави „Букварка“, новата вежбанка наменета за учениците од прво одделение во деветгодишното основно образование.
28.
Oct.
Ново
Животната и музичка приказна на Славе Димитров, еден од клучните творци на златната ера на македонската забавна музика, е во фокусот на новата книга „Ч...
08.
Oct.
Најнови изданија
По „Атлас на светот“, „Животни“ и „Моето тело“, популарниот серијал илустрирани книги за деца „Моите патувања&ldquo...
28.
Sep.
Вести
„Само еднаш“ е приказна за љубовта што не исчезнува со годините, за семејните врски, за последиците од нашите одлуки и за онаа човечка желба што ...
04.
Sep.
Вести
Третиот конкурс за наградата „Оливера Николова“ за најдобар необјавен роман за деца и млади за 2027 година е во тек и ќе трае заклучно со 31 деке...
04.
Sep.
Вести
Со почетокот на новата учебна година, за првпат во Македонија на учениците им се достапни целосно дигитални учебници за деветто одделение, со интегрирани инт...
03.
Sep.
Ново
Новата сликовница „Белче“ од македонската авторка Милена Лунеска излезе од печат во издание на „Либи“, дел од „Арс Ламина &ndas...
02.
Sep.
Вести
Ракописот со наслов „Подѕирнати животи“ од Огнена Никуљски е добитник на книжевната награда „Пегаз“ за најдобар необјавен роман во 20...
array(0) {
}
Memory Consumption is: 5.18 MB