.jpg)
Новиот интернационален бестселер на Тејлор Џенкинс Рејд - „Атмосфера“, излезе од печат на македонски јазик во издание на „Арс Либрис“, дел од „Арс Ламина – публикации!
Веднаш по објавувањето во јуни, романот стана бестселер број 1 на „Њујорк тајмс“, книга на годината според „Таргет“ и е еден од најдобрите романи за 2025 година.
Џоан Гудвин отсекогаш гледала кон ѕвездите. Професорка по физика и астрономија, задоволна со мирниот живот и улогата на тетка на својата љубопитна внука, таа верува дека го пронашла своето место во светот – сè додека еден оглас не ја поттикнува да го следи најголемиот сон: да биде меѓу првите жени научници во програмата на НАСА за вселенски летала.
Избрана меѓу илјадници кандидати, Џоан влегува во свет каде што се сретнуваат храброста, амбицијата и пријателството. Во Центарот „Џонсон“ во Хјустон, таа тренира рамо до рамо со најдобрите: харизматични пилоти, упорни научници и мистериозни инженери, секој со своја тајна и своја цел. Во ова ново друштво, Џоан ја открива возбудата на вселената, но и страста и љубовта што никогаш не ги очекувала. Кога доаѓа декември 1984 година и мисијата STS-LR9, еден момент ќе промени сè.
Возбудлив, емотивен и инспиративен, „Атмосфера“ ја носи магијата на вселената и ја истражува трансформативната сила на љубовта. Приказна за ѕвездите, за храброста и за срцето.
„Атмосфера“ ни доаѓа по успехот на хит-романите „Седумте мажи на Евелин Хуго“, „Дејзи Џонс енд Д сикс“, „Малибу во пламен“ и „Кери Сото се врати“ од Џенкинс Рејд.
За сите љубители на литературата кои сакаат да се изгубат во магијата на ѕвездите и длабоките човечки емоции, „Атмосфера“ е книга која не смее да се пропушти.
Книгата е достапна во книжарниците на Литература.мк и онлајн преку www.literatura.mk.
