.jpg)
Колку е голема љубовта на мама? Голема колку сите капки дожд, колку сите лисја во есен и колку сите птици на небото!
„Колку ме сакаш, мамо?“ е нова сликовница од авторката Илина Качинске, со илустрации на Рената Јосифовска, во издание на „Либи“, дел од „Арс Ламина – публикации“.
Низ нежни зборови и низ топли илустрации, сликовницата ги води најмалите низ светот на безусловната љубов – онаа што расте со секоја прегратка, насмевка и бакнеж. Преку едноставна и емотивна приказна, децата откриваат дека љубовта на мама е бескрајна и секогаш има место за уште една прегратка, за уште еден бакнеж и за уште едно „те сакам“.
„Колку ме сакаш, мамо?“ е приказна за најмалите, но и за големото чувство што секое дете сака да го слушне и да го почувствува. Книга што ќе посакате да ја читате одново и одново – пред спиење, во прегратка или секогаш кога ќе посакате да кажете: „Ете толку те сакам. И уште малку повеќе“.
Сликовницата „Колку ме сакаш, мамо?“ е достапна во книжарниците на „Литература.мк“ и онлајн на www.literatura.mk.
