.jpg)
.jpg)
Нова книга, совршена за овој празничен период - „Повик за будење“ од Бет О’Лири, авторката на светскиот бестселер „Заеднички стан“, двете во издание на „Арс Либрис“, дел од „Арс Ламина – публикации“.
Сместена во шармантниот, но дотраен хотел „Форест Манор“, оваа топла и духовита романтична приказна нè запознава со Изи и Лукас – двајца хотелски рецепционери и заколнати ривали, на кои дури им е забрането да работат во иста смена. Но, кога хотелот се наоѓа на работ на опстанок, а празничната сезона е во полн ек, тие се принудени да ги остават несогласувањата настрана и да издржат до крај. Хотелот нема да опстане по Божик без да се случи некакво чудо. Но, кога Изи му враќа изгубена бурма на еден гостин, наградата што ја добива ја убедува управата дека токму тоа може да биде решението за сите нивни проблеми. Со уште четири прстени во одделот за изгубени работи, почнува трката меѓу Изи и Лукас за спасување на нивниот сакан хотел – и нивните работни места. Додека нивното жестоко ривалство се претвора во нешто многу покомпликувано, Изи и Лукас почнуваат да се прашуваат дали во оваа борба е во прашање само иднината на хотелот или има нешто повеќе од тоа. Дали ќе успеат да ја преживеат сезоната без да го изгубат сопственото срце?
„Повик за будење“ е романса за втората шанса, изгубени и повторно пронајдени љубови, и за малите чуда што се случуваат кога најмалку ги очекуваме – со препознатливиот стил, хумор и емоционална длабочина на Бет О’Лири.
Книгата е достапна во книжарниците на Литература.мк и онлајн на www.literatura.mk
