.jpg)
Новата книга „Уметноста на трошењето пари“ од авторот на светските бестселери: „Психологија на парите“ и „Исто како и секогаш“, Морган Хаусел, излезе од печат на македонски јазик во издание на „Арс Либрис“, дел од „Арс Ламина – публикации“.
Може ли парите навистина да нè направат посреќни? Одговорот не зависи само од тоа колку имаме туку и од тоа како ги користиме. Во „Уметноста на трошењето пари“, Морган Хаусел, еден од најчитаните современи автори за лични финансии, открива како да донесуваме помудри финансиски одлуки што ќе ни донесат повеќе мир, слобода и исполнетост.
По огромниот успех на „Психологија на парите“, книга продадена во милиони примероци низ светот, Хаусел повторно се занимава со најважното прашање поврзано со парите: како да ги користиме на начин што навистина го подобрува нашиот живот.
„Уметноста на трошењето пари“ не е класична книга со совети за буџети, за штедење или за инвестирање. Таа е книга за психологијата зад нашите избори – за емоциите, за навиките и за очекувањата што влијаат врз начинот на кој трошиме. Хаусел објаснува зошто толку често ги мешаме восхитот со зависта, удобноста со луксузот, а статусот со вистинската вредност.
Со својот препознатлив едноставен, мудар и пристапен стил, авторот покажува дека најдобрата инвестиција не секогаш е онаа што носи најголем финансиски принос, туку онаа што ни обезбедува душевен мир, повеќе време и подобар квалитет на живот.
Книгата открива зошто некои луѓе, без оглед на нивните приходи, никогаш не се чувствуваат доволно богати, додека други успеваат да создадат исполнет живот со внимателно избрани приоритети. Преку бројни примери и согледувања од секојдневниот живот, Хаусел нè поттикнува да размислиме што навистина ни носи среќа и како парите можат да станат алатка за подобар живот, а не извор на постојан притисок.
Морган Хаусел е наградуван автор и колумнист, чии книги се продадени во повеќе од 11 милиони примероци низ светот и се преведени на повеќе од 60 јазици. „Уметноста на трошењето пари“ веднаш по објавувањето се најде на листите на бестселери и беше препознаена како една од највлијателните нови книги од областа на личните финансии.
„Уметноста на трошењето пари“ е практична, инспиративна и современа книга за сите што сакаат да изградат поздрав однос со парите и да откријат дека вистинското богатство не се мери само со бројки, туку со квалитетот на животот што го живееме.
Книгата е достапна во книжарниците на Литература.мк и онлајн преку www.literatura.mk.
