.jpg)
Романот „Гоце Делчев“ од македонскиот писател Ванчо Николески, кој е задолжителна лектира за учениците од 5. одделение, излезе од печат во издание на „Либи“, дел од „Арс Ламина – публикации“. Книгата е дел од едицијата „Лесно читливи лектири“, создадена за полесно, за поинтересно, за посовремено читање и за совладување на задолжителните литературни дела.
Книгата е збогатена со речник со помалку познати зборови, кој им помага на учениците полесно да го следат текстот и да го збогатат својот речник, како и со активности за работа на час, наменети за проверка на разбирањето и за обработка на прочитаното.
Во романот, Ванчо Николески топло и со раскажувачка вештина го оживува ликот на Гоце Делчев – учител, револуционер и визионер. Следејќи го неговиот животен пат, романот ги открива силата на идеалите, пожртвуваноста и борбата за слобода, пренесувајќи ги историските настани и вредности на начин близок и разбирлив за младите читатели.
Преку динамично раскажување и преку впечатливи ликови, „Гоце Делчев“ им овозможува на учениците да се запознаат со еден од најзначајните ликови од македонската историја и да ја почувствуваат атмосферата на времето во кое живеел и во кое дејствувал.
Книгата е достапна во сите поголеми книжарници, како и онлајн преку www.literatura.mk.
