Омилените ликови од најпознатите книги за деца, со помош на детската фантазија и креативност, ќе продефилираат на Литературниот маскенбал што ќе се одржи оваа сабота (први април) од 11 до 12 часот во „Кафе Литература“ во „Ист гејт мол“.
Хари Потер, Хермиона Грејнџер, Исидора Мун, Мирабела, Кити, Шерлок Холмс, Тото мачката-нинџа, Матилда, Алиса, Мери Попинс, Грдото пајче, се само дел од главните протагонисти од омилените приказни што можат да бидат инспирација за првоаприлската маска за сите деца (но, и за нивните родители). На дружбата под маски децата ќе можат да се фотографираат со поставката со омилените ликови од книгите во издание на „Либи“, дел од „Арс Ламина – публикации“, по што ќе следува подарок книга.
Денот на шегата, или Денот на сите шегаџии, е еден од највеселите денови во годината, кога луѓето од сите генерации се добро расположени, кажуваат вицови и шеги. За доброто расположение на овој ден придонесува и маскирањето. Тоа е ден кога децата, но и возрасните, за миг ја напуштаат реалноста и со помош на маските влегуваат во светот на фантазијата, смеата и веселбата. А таков е светот и на книгите, волшебен, шарен и разигран. На Денот на шегата можеме да ја покажеме својата креативност и да се преправиме во некој смешен, страшен или, пак, препознатлив лик од реалноста, но и од светот на филмовите, стриповите, сериите и, секако, книгите.
Во што ќе се маскирате вие и вашите најмили овој први април?
Доколку сè уште не сте одлучиле, можете да ги разгледате изданијата за деца од „Либи“, кои се достапни во „Литература.мк“ и онлајн преку www.literatura.mk.
За дополнителна инспирација погледнете ги нашите идеи за првоаприлска маска.
