.jpg)
Четири години по отворањето во најголемиот трговски центар кај нас „Ист гејт мол“, книжарницата Literatura.mk Superstore доби значително проширување, со што прерасна во најголемата книжарница на „Литература.мк“.
Добро познатата суперкнижарница, сместена на првиот кат, со проширувањето нуди двојно поголем избор на книги, подароци и уникатни производи од областа на литературата, образованието и уметноста. Понудата опфаќа неколку илјади артикли од стотина брендови од гифт-програмата и книги од сите поголеми издавачки куќи.
Во Literatura.mk Superstore може да се најде голем избор на белетристика, детска литература и стручни изданија на македонски, албански, англиски, германски и француски јазик. Просторот нуди и богата палета дизајнерски производи за домот, квалитетен избор на канцелариски и училиштен материјал, школски прибор, дидактички и едукативни изданија, помагала за уметност и дизајн, како и селектирана гифт-програма и луксузни подароци.
Проширувањето овозможува подобра организација на насловите, јасно обележани жанрови и тематски целини, како и полесно пронаоѓање на посакуваните изданија.
Ова проширување е дел од континуираните напори на „Литература.мк“ за развој на концептот на современа книжарница, во која функционалноста и богатата понуда се во прв план.
Покрај книжарницата во „Ист гејт мол“, добро се познати и другите локации на „Литература.мк“ – во „Скопје сити мол“, „Дајмон мол“, на улицата „Македонија“, во ТЦ „Буњаковец“, на „Широк сокак“ во Битола и во Струмица, како и најголемата онлајн- книжарница www.literatura.mk.
