Тринаесет книги од издавачката куќа „Арс Ламина“ влегоа во потесниот избор на наградата за најдобри книги според читателите – Reader’s Choice Book Awards 2022. Натпреварот „Книга на годината“ во Македонија, кој се одвива онлајн на интернет-страницата www.kniganagodinata.mk и каде што сите читатели можат да го дадат својот глас за омилените изданија. Селекцијата се базира на девет жанровски категории. Ќе бидат доделени награди за најдобар: трилер, романса, историска драма, женска фикција, книга од домашен автор, детска книга, нефикција, книги за млади и поезија.
За најдобра книга ќе се одлучи врз основа на освоените гласови во рамките на сите категории, како и дополнително проценување од неколку библиотеки во земјава, најголемите книжарници и онлајн-книжарниците, како и од членовите на комисијата, кои ќе спроведат свои истражувања и ќе дадат свој глас.
За книгите од издавачката куќа „Арс Ламина – публикации“ може да се гласа во следните категории:
Во конкуренција за најдобри ТРИЛЕРИ И МИСТЕРИИ номинирани се три наслови: напнатиот и провокативен роман „Остави го светот зад себе“ од Румаан Алам, новиот бестселер од популарната авторка Колин Хувер – „Лејла“ и тензичниот трилер „Семејство“ од Луиз Џенсен. За една од книгите номинирани во оваа категоријата можете да гласате на следниот линк: https://kniganagodinata.mk/trileri-misterii/.
Меѓу книгите номинирани во категоријата ИСТОРИСКИ ДРАМИ се: романот „Ќе се најдеме во Бомбај“ од британската авторка на историска фикција – Џени Ешкрофт и шпионскиот трилер сместен за време на Втората светска војна, „Низ иглени уши“ од познатиот велшки писател Кен Фолет. За овие книги можете да гласате на следниот линк: https://kniganagodinata.mk/istoriski-drami/.
На листата со номинирани во категоријата ЖЕНСКА ФИКЦИЈА е „Малибу во пламен“ од Тејлор Џенкинс Рејд. За оваа книга можете да гласате на следниот линк: https://kniganagodinata.mk/woman-lit/.
Во конкуренција за најчитани ДОМАШНИ АВТОРИ е Зоран Спасов Ѕоф со новата книга „Џабе живиш у Скопје“, која неодамна излезе од печат. За т.н. „водич до сигурна смрт од смеење“ на Ѕоф можете да гласате на следниот линк: https://kniganagodinata.mk/domasni-avtori/.
Во категоријата за книжевност за млади YOUNG ADULT номинирани се: современиот класик за млади, за крајот на невиноста и за темнината на човечкото срце – „Господарот на мувите“ од нобеловецот Вилијам Голдинг и наградуваниот авантуристички роман за млади, „Каде што спие ветрот“, од словенечкиот писател Дамијан Шиниго. За една од овие книги можете да гласате преку линкот: https://kniganagodinata.mk/young-adult/.
На листата со книги од областа НЕФИКЦИЈА во потесен избор се најдоа: мотивациската книга „Четири илјади седмици“ од Оливер Буркеман, како и новата книга од областа на популарната психологија „Умешност на лутината: мал водич за голема лична моќ“ од м-р Билјана Велковска. Вашиот глас за една од овие книги можете да го дадете преку линкот: https://kniganagodinata.mk/nefikcija-2/.
Во конкуренција за најдобри ДЕТСКИ КНИГИ И СЛИКОВНИЦИ се „Шила“ – топлата сликовница за патот до среќата на едно срамежливо девојче, „сошиена“ од лирската приказна на Јана Мишо и колоритните илустрации на Калиопи Трпчева и новиот наслов: „Мравката Тони“ од Маја Мишевска со илустрации од Михајло Димитриевски – Тхе Мичо. За една од овие сликовници можете да гласате преку следниот линк: https://kniganagodinata.mk/detski/.
