Вести

Промоција на Недопрени бисери во библиотеката Браќа Миладиновци – Скопје

13.03.2023.
Промоција на Недопрени бисери во библиотеката Браќа Миладиновци – Скопје

Збирката раскази „Недопрени бисери“ од Ленче Милошевска, која е во издание на „Арс Либрис“, дел од „Арс Ламина – публикации“, ќе биде промовирана утре (14 март, вторник), во 12 часот, во Градската библиотека „Браќа Миладиновци“ – Скопје. На настанот, кој ќе се одржи во спомен-собата „Т’га за југ“, кон делото ќе се осврне писателката Марина Мијаковска, а фрагменти од книгата ќе чита Винсент Виличник.

Книгата „Недопрени бисери“ од Ленче Милошевска е збирка раскази и кратки приказни. Меѓу овие страници ќе се сретнете со најразлични реалистично опишани ситуации: отсечоци од некои минати, но не многу далечни простор-времиња, исполнети со неприкосновена храброст и саможртва; предмети што со своите функции побудуваат различни асоцијации кај различни ликови и ситуации од коишто како заклучок неминовно произлегува дека душевниот мир не може да го замени ништо; описи на семејни односи и динамики со кои се сретнуваме сите − посредно и/или непосредно; љубовта кон родниот град, кон луѓето и кон животните, со кои неретко се разбираме подобро отколку со некои луѓе и чијашто загуба, исто така, нè боли...

Милошевска е поет, романсиер и преведувач. Таа е автор на четири романи, пет стихозбирки и дваесетина преводи од англиски, српски и хрватски на македонски јазик. Застапена е во повеќе поетски антологии, а нејзините песни се преведени на повеќе јазици. „Недопрени бисери“ е нејзина втора книга раскази.

Книгата е достапна во сите книжарници на „Литература.мк“ и онлајн преку www.literatura.mk.

https://www.literatura.mk/BookDetails.aspx?Pr=14425

Остави коментар

Во моментов нема коментари

Слични статии

12.
Apr.
Вести
Книжарниците „Литература.мк“ и „Ист гејт мол“ донираа едукативни играчки во „СОС Детско село“. 
10.
Mar.
Вести
Онлајн-страницата на „Литература.мк“ e прогласена за најдобра е-продавница за култура, настани и едукација на Ecommerce Awards 2022. 
array(0) {
}
Memory Consumption is: 7.7 MB