Настани

„Шумската дружина: кога сите сме заедно“ - едукативна игра што внесува нов живот во насочувањето на детските емоции

06.11.2023.
„Шумската дружина: кога сите сме заедно“ - едукативна игра што внесува нов живот во насочувањето на детските емоции
„Шумската дружина: кога сите сме заедно“ - едукативна игра што внесува нов живот во насочувањето на детските емоции

Минатата недела, во „Млади Хаб“, во присуство на многубројна публика од педагози, психолози, воспитувачи и учители, се одржа промоција на едукативната игра од Христина Стефановска: „Шумската дружина: кога сите сме заедно“. Интерактивната едукативна игра е дел од едицијата „Железница на чувствата“ во издание на „Либи“, дел од „Арс Ламина – публикации“.

„Благодарност до Арс Ламина што го препозна овој труд и задоволство ми е што се создаде простор за ваков вид алатки и психолошко творештво за деца на нашиот пазар. Во ракопис имам уште терапевтски бајки што чекаат на ред за да придонесат до подобро ментално здравје кај децата. Едицијата ’Железница на чувствата‘ е препознаена и од соседните држави и ќе биде преведена на други јазици, за што сум особено горда“, изјави авторката Христина Стефановска во своето обраќање.

На промоцијата се обратија доц. д-р Ана Чучкова, професор на Факултетот за психологија при МСУ, и Цветанка Бурзевска – лиц. психолог/гешталт арт терапевт, кои во своето обраќање ја истакнаа потребата од ваквиот тип на едукативни игри што внесуваат нов живот во насочувањето на децата да се посветат на своите емоции.

„Комуникацијата е целосна кога умееме да ги разбереме емоциите на другиот. 'Шумската дружина: кога сите сме заедно' e oдлична џебна алатка за да си позборуваме како се чувствуваме.“, истакна Чучкова.

„Јазикот на визуелната уметност – боите, формите, линиите и сликите во картиците – ни зборува на начини на кои зборовите не можат. Преку имагинативна игра, децата и возрасните лесно им припишуваат чувства и идеи на овие ’животни‘ и ги користат за да се изразат, да истражуваат и да ги разработуваат сопствените идеи, мисли и чувства“, објасни Бурзевска.

Со своето присуство, значителен придонес и признание даде и психологот и универзитетски професор Олга Мурџева-Шкариќ.

„Шумската дружина: кога сите сме заедно“ е сет од 40 картички со различни прашања, илустрации и сцени со ликовите од четирите психолошки прирачници на Стефановска, шумската дружина: Мешко, Ушко, Летко и Сончка, со чија помош можат да се научат вештини, техники и здрави уверувања за ослободување и самоконтрола на емоциите лутина, страв, тага и среќа. Сетот е наменет за деца над пет години, за развивање на емоционалната интелигенција кај децата.

Христина Стефановска е автор и на четирите интерактивни психолошки прирачници за деца и возрасни: „Кога Мешко се лути“, „Кога Ушко се плаши“, „Кога Сончка е среќна“ и „Кога Летко е тажен“. Целта на овие изданија е да им помогнат на децата да ги препознаат четирите доминантни емоции кај себе и кај другите, да научат да се справуваат со нив и да ги канализираат на креативен начин. Книгите се дел од едицијата „Железница на чувствата“.

Стефановска е лиценциран психолог со многубројни сертификати за техники во психотерапијата со деца и адолесценти и врши онлајн-психоедукација на јавната свест на теми поврзани со детска психологија, родителствување, воспитување итн.

Едукативната игра „Шумската дружина: кога сите сме заедно“ и четирите интерактивни психолошки прирачници за деца и возрасни се достапни во сите книжарници на „Литература.мк“ и онлајн преку следниот линк: 

https://www.literatura.mk/link/ihCwn3QkRk

 

 

Поврзани производи

Sačuvano u omiljne
Motivišuće
Kreativno
Prilagođeno uzrastu
260 МКД
4,21 EUR
Sačuvano u omiljne
Motivišuće
Kreativno
Prilagođeno uzrastu
360 МКД
5,83 EUR
Sačuvano u omiljne
Motivišuće
Kreativno
Prilagođeno uzrastu
360 МКД
5,83 EUR
Sačuvano u omiljne
Motivišuće
Kreativno
Prilagođeno uzrastu
360 МКД
5,83 EUR
Sačuvano u omiljne
Motivišuće
Kreativno
Prilagođeno uzrastu
360 МКД
5,83 EUR

Остави коментар

Во моментов нема коментари

Слични статии

17.
Nov.
Настани
На 17 ноември на најфреквентното шеталиште во Битола, Широк Сокак, пред точно 5 години официјално беше отворена новата книжарница на „Литература.мк&ldq...
16.
Nov.
Настани
Во рамките на годинешното издание на Неделата на италијанската кујна, вчеравечер, 15 ноември, во книжарницата „Литература суперстор“ во „Ск...
15.
Nov.
Настани
Денес (15 ноември), во „Литература.мк суперстор“ во „Скопје сити мол“, со почеток во 19 часот, „Амбасада на Република Италија&l...
20.
Oct.
Настани
На 25 октомври, во 20 часот, во „Станица 26“, ќе се случи интергалактичка промоција на новата книга „Цепај сине“ од авторот на бестсе...
03.
Oct.
Настани
Во присуство на многубројна публика во книжарницата „Литература.мк“ во трговскиот центар „Ист гејт“, на 29 септември (петок) издавачк...
28.
Sep.
Настани
На 29 септември (петок), во книжарницата „Литература.мк“ во трговскиот центар „Ист гејт“, со почеток во 19 часот, ќе се одржи тројна ...
22.
Sep.
Настани
На 18 и 19 септември, со почеток во 19 часот во книжарницата „Литература.мк“ на ул. „Македонија“ во Скопје, се одржаа книжевни средби...
13.
Sep.
Настани
Настанот со Даница Вукиќевиќ ќе се одржи на 19 септември (вторник) со почеток во 19 ч., во книжарницата „Литература.мк“ на ул. „Македонија&...
11.
Sep.
Настани
Разговорот со Драго Јанчар – што ќе се одржи на 18 септември (понеделник) со почеток во 19 ч., во книжарницата „Литература.мк“ на ул. &bdqu...
13.
Jul.
Настани
На новиот сајт, кој е повеќе од книжарница, понудени се повеќе од 6.500 книги од 50 издавачки куќи и над 15.000 производи од 60 брендови. 
array(0) {
}
Memory Consumption is: 10.53 MB