.jpg)
„Силвервју“ е последниот роман на Џон ле Каре објавен постхумно откако почина во декември минатата година. Ле Каре е мајстор на жанрот шпионски трилер, со продадени милиони примероци од неговите книги и со многубројни телевизиски и филмски адаптации. Неговата кариера траеше 60 години – период во кој објави 26 романи.
Во текот на шест децении, Ле Каре се потпираше на својата кратка кариера во британското разузнавање за да биде хроничар на падот на Велика Британија како глобална сила и да го критикува она што го гледаше како арогантен и корумпиран западен неоимперијализам, обично преку перспективата на оние во „тајниот свет“ на шпионирањето. Неговите архетипски херои не беа Џејмс Бонд или Џек Ричер, туку често разочарани луѓе водени од моралните вредности во кои не се сигурни дека сè уште веруваат. Она што ги принудува луѓето да ѝ служат на својата земја или да ја изневерат беше постојана тема во неговата работа.
Но, како што Греам Грин – уште еден поранешен автор на шпионски романи кој стана романсиер – ја подели својата работа на „забава“ и сериозна работа, така може да се подели творештвото на Ле Каре (импресивни 26 романи во текот на 60 години) на потешки и полесни групи. Во првата група се трилогијата „Карла“ („Скитник, кројач, војник, шпион“, „Примерен ученик“ и „Луѓето на Смајли“), „Наследство на шпионите“ и полуавтобиографската „Совршен шпион“, а во втората група – „Мисионерска песна“ и „Апсолутни пријатели“.
Во последниот роман на овој книжевен гигант, како што го нарекува Стивен Кинг, станува збор за Џулијан Лондсли, кој се откажува од неговата високоплатена работа во Лондон за да отвори книжарница во мало англиско приморско гратче. Една вечер, само неколку месеци по почетокот на неговата нова кариера, Џулијан е посетен од непознат човек. Едвард, полски имигрант кој живее во Силвервју, голема куќа на крајот од градот, изгледа дека знае многу за семејството на Џулијан и е премногу заинтересиран за внатрешните работи на неговиот нов бизнис. Кога на вратата на шефот на шпионите ќе се појави писмо со предупредување за опасно истекување информации, истрагата го води во ова тивко место покрај морето...
„Силвервју“ е фасцинантна приказна за средбата меѓу невиноста и искуството и јавната должност и личниот морал. Во ова последно ремек-дело на најголемиот хроничар на нашето време, Џон ле Каре прашува што ѝ должиме на државата што веќе не ја препознаваме.
Книгата е достапна во сите книжарници на „Литература.мк“ и онлајн преку следниот линк: https://www.literatura.mk/krimitriler/41989-silvervju
Неговиот претходен роман, „Наследство на шпионите“, е достапен преку линкот: https://www.literatura.mk/krimitriler/17793-nasledstvo-na-spionite
