Книжевно сокаче со Јована Матевска Атанасова
„Сакај како да им докажуваш што би изгубиле.“
Кој е најзагадочниот заплет што Агата Кристи го напишала? Дали е тоа „Мртво(то) тело во библиотеката“, заверата во „Убиство(то) во Ориент Експрес“ или кобниот викед на Војничкиот Остров во „Не остана ниту еден“? Иако била силен диригент на хартија и одлично ракувала со книжевните предигри, заговорот што до ден денес останува без епилог е нејзиното единаесетдневно исчезнување во 1926 година.
Кога би ги погледнале фактите, госпоѓа Кристи, дотогаш релативно (не)позната авторка и книжевна мајка на Херкул Поаро, била пронајдена во спа хотел во Хароугејт, пријавена под името на љубовницата на нејзиниот сопруг, пилотот Арчи Кристи. Дури и во обемната автобиографија Кристи се оградувала од спомнување на „инцидентот“ за кој целата Англија се кренала на нозе и биле мобилизирани над 1000 полициски службеници. Дали се срамела од стореното или несвесно се надевала дека овој потег ќе ја издигне во очите на читателите како страдалница, дали бил добро осмислен трик за публицитет или едноставно, доживеала нервен слом? Обожавателите на Кристи постојано ги посетува овој дух од претпоставки и трката да се стигне до вистината.
Една од нив е и Нина де Грамонт, која ни претставува една веројатност за тој Бермудски триаголник на љубовта, неверството и одмаздата, чудна и интересна магнетна зона во која не се знае што е факт, а што фикција, се губи гравитацијата на вообичаена историски поткрепена новела и ја прави повозбудлива потрагата по конечна разрешница. Нина де Грамонт вози по магистрали, но најчесто ,свртува во споредни патчиња, го носи читателот до недоумица: дали да сочувствува со изневерената сопруга или со љубовницата. Во улога на наратор ставена е перспективата на …. за која разоткривањето и длабинската анамнеза на минатото е еднакво при
Сите го знаеме името на Агата, но дали го знаеме името на љубовницата на нејзиниот сопруг, онаа бесрамница што го растурила нејзиниот прв брак? Претпоставувам не. Зад привлечната и млада Нан О’Дил се влече тешка судбина, одраз на повоениот Лондон, карти кои се листале на ветрот без милост кон вљубеното и излудено срце на Нан. Растргната помеѓу Ирска и Англија, а подоцна и помеѓу Арчи и Финбар, таа намерно влетува во туѓата голема, семејна заграда сѐ со цел да профитира, но, не онака како што повеќето би помислиле.
Апсолутно луда и бизарна приказна, нималку невозможна, која овоплотува долгогодишна теорија на заговор и претпоставки. Во средината на романот се врти без престан иглата на најголемата човечка мистерија-љубовта, онаа сѐ уште неиспитана симетрала која понекогаш носи тага, а другпат еуфорија и радост. Ликовите се пресретнуваат низ интриги и сплетки и секако во кристиев стил, писателката гради приказна во приказна, мистерија со убиство наспроти теоријата на љубовта.
Што ќе открие ексхумацијата на најозборуваниот заговор на дваесеттиот век во “Аферата Кристи”?
