Литература

„Зелениот дворец“ од Сибо во најтесен избор за наградата „Роман на годината“

11.03.2024.
„Зелениот дворец“ од Сибо во најтесен избор за наградата „Роман на годината“
„Зелениот дворец“ од Сибо во најтесен избор за наградата „Роман на годината“

Книгата „Зелениот дворец“ од Сибо, во издание на „Арс Ламина“, влезе во најтесниот избор за престижната награда „Роман на годината“ за 2023 година. Во трка за признанието што го доделува Фондацијата за унапредување и промоција на културните вредности „Славко Јаневски“ влегоа пет романи. Покрај „Зелениот дворец“, номинирани се и: „Единствен матичен број“ од Лидија Димковска, „Ако се родат некакви чувства: зборник за љубовта на Гоце и Јанка“ од Блаже Миневски, „Заборав“ од Томислав Османли и „Сѐ уште можам нешто да сторам“ од Фросина Пармаковска.

Жири-комисијата, во состав Влада Урошевиќ – претседател и минатогодишен лауреат, Бранко Цветковски, Марија Ѓорѓиева, Сашо Огненовски и Катерина Богоева, ќе го соопшти името на лауреатот на прес-конференција што ќе се одржи во петок, 15 март, во кафе-книжарницата „Буква“ во Скопје, со почеток во 12 часот.

Наградата годинава се доделува по јубилеен 25-ти пат. Таа се состои од плакета, оригинална статуетка и паричен износ од 150.000 денари.

„Зелениот дворец“, во издание на „Арс Либрис“, дел од „Арс Ламина – публикации“, е добитник на книжевната награда „Пегаз“ за 2022 година за најдобар необјавен роман.

„Зелениот дворец“ е роман-временска машина низ историјата на градот Скопје и неговата трансформација во дваесеттите и во шеесеттите години на минатиот век и во сегашноста. Инспирација за приказната е една од највпечатливите градби во Скопје, зелената куќа-дворец во населбата Црниче, околу која со години се плетеа мистерии и легенди, сепак, ова е роман за Скопје.

Во фонот на урбанистичките промени на градот поттикнати од различни човечки и природни влијанија, Петар – средовечен маж и научник од совремието – се чувствува како да не припаѓа на времето во кое живее и доживува необични случки што го поттикнуваат да ја продлабочи идејата за постоење на паралелни универзуми. Привлечен од нејасна внатрешна сила, доаѓа до куќата-дворец во населбата Црниче, изградена во дваесеттите години на 20 век на тогашната периферија на градот. Легендата вели дека таа куќа била опседната од духови и проколната, но за Петар ќе биде поаѓалиште кон неговото следно патување.

– Отсекогаш сум сакал да напишам книга за Скопје, да му се оддолжам за сѐ што сум преживеал со него. Книгата ја напиша градот, вметнувајќи дел од приказните на неговите жители. Ова е книга за градот, за скопјаните, за скриени приказни на малите, но големи луѓе, за Ристиќева палата, за поплавата, земјотресот, за едно Скопје што веќе го нема и за Скопје што го познаваме. Оваа книга можеби не е само за една куќа, една мистерија, ниту за една љубов ниту за нечиј живот. Но, приказната е во Скопје. Можеше да се случува каде било, а сепак е блиску до нас. Ова е роман за Скопје и за неговите животи, за физичката формула за љубовта – вели авторот Сибо.

Книгата тргнува од познатата, речиси архетипска тема на книжевната фантастика: можноста поединецот да влезе од една временска димензија во друга. Авторот го користи овој мотив за да ја раскаже својата приказна за преклопувањето и вкрстувањето на различни временски димензии во еден простор, кои предизвикуваат необични настани, чудни средби и неочекувани животни пресврти.

Романот „Зелениот дворец“ е достапен во сите поголеми книжарници, во „Литература.мк“, и онлајн преку http://www.literatura.mk.

 

https://www.literatura.mk/makedonska-knizevnost/33157-zeleniot-dvorec

Поврзани производи

Sačuvano u omiljne
Motivišuće
Kreativno
Prilagođeno uzrastu
300 МКД
4,85 EUR

Остави коментар

Во моментов нема коментари

Слични статии

07.
May.
Литература
Не творам за да бидам наградуван, пишувам затоа што не можам да живеам без тоа, иако, на крајот, доколку се случи делото да биде наградено, уживам во резулта...
02.
May.
Литература
Овој празничен период развеселете ги своите најмили со најшарените велигденски изданија за деца. Наполнете ја книжевната велигденска кошница со сликовници, к...
05.
Apr.
Литература
Магијата на приказните е безгранична! Приказните ги учат децата на сите животни лекции. Им помагаат да сознаат што е добро, а што е лошо, како си ги распозна...
01.
Apr.
Литература
На денешен ден (1 април), пред 95 години во Брно, (некогашна) Чехословачка, е роден еден од најпознатите современи светски писатели Милан Кундера. Чешкиот ав...
27.
Mar.
Литература
Во чест на Светскиот ден на театарот со книгите, потсетуваме на три значајни книги, кои се достапни во книжарниците „Литература.мк“:  моногр...
25.
Mar.
Литература
Со книжевната едиција „Порта Европа“, која е во издание на „Арс Либрис“, дел од „Арс Ламина – публикации“, го ...
22.
Mar.
Литература
Неизбежна литература за секој што се занимава со модата, но и како задолжителен учебник за секој студент на моден дизајн. Вредна документација на идентитетот...
14.
Mar.
Литература
Оваа сликовница, илустрирана од македонскиот сликар и автор на книги за деца Ване Костуранов, со текст на српската авторка Ана Торма, носи топла порака за ра...
12.
Mar.
Литература
Романот си поигрува со физичката мерливост "нормално/болно" и се обидува да ги разруши стигмата и предрасудите кои се тркалаат низ ходниците на сан...
01.
Mar.
Литература
Шестиот конкурс за наградата „Пегаз“, што ја организира издавачката куќа „Арс Ламина“ во соработка со Фондацијата за унапредување и п...
array(0) {
}
Memory Consumption is: 10.42 MB