.jpg)
Од авторката на бестселерот „Раскажувачката“, Џоди Пико, ни пристигнува новиот роман „Посакувам да си тука“. Книгата, која е бестселер број еден на „Њујорк тајмс“ и бестселер на „Сандеј тајмс“, сега ќе може да се прочита и на македонски јазик, во издание на „Арс Либрис“, дел од „Арс Ламина – публикации“.
Станува збор за длабоко трогателен роман за издржливоста на човечкиот дух во моменти на глобална криза.
Главниот лик - Дајана О’Тул има совршено испланиран живот: брак до триесеттата, деца до триесет и петтата, дом во предградие на Њујорк и успешна кариера во светот на уметничките аукции. Сè оди според планот – нејзиното момче Фин е подготвено да ѝ предложи брак за време на нивното романтично патување на Галапагос, токму пред нејзиниот роденден. Но, ненадејно избувнува вирус и Фин мора да остане во болница. Дајана, против својата волја, заминува сама. Работите веднаш тргнуваат наопаку: изгубен багаж, нема интернет, хотелот е затворен, островот е во карантин. Заглавена и отсечена од светот, Дајана е принудена да излезе од својот безбеден „балон“ и постепено се зближува со едно локално семејство, особено со една тинејџерка што крие тајна. Среде магичната природа на Галапагос, Дајана почнува да ги преиспитува сопствените соништа, љубовта и иднината. Дали ќе се врати дома како истата личност – или засекогаш променета?
„Моќна, емотивно набиена приказна за издржливоста и триумфот на човечкиот дух.“
— Тејлор Џенкинс Рејд, авторка на „Седумте мажи на Евелин Хуго“ и „Дејзи Џоунс енд д Сикс“
Романот е достапен во книжарниците на Литература.мк и онлајн на www.literatura.mk.
