.jpg)
Учењето е најубаво кога е претворено во игра. Токму тоа го нудат новите интерактивни вежбанки „Мојот таблет – пиши-бриши“, кои на децата им овозможуваат да пишуваат, да цртаат, да бројат, да бришат и повторно да создаваат – онолку пати колку што ќе посакаат. Преку игра, преку истражување и преку повторување, најмалите лесно ги совладуваат првите вештини за пишување, за читање и за математика, додека се забавуваат.
Двете нови изданија деновиве излегоа од печат на македонски јазик, во издание на „Либи“, дел од „Арс Ламина – публикации“, и се наменети за деца од предучилишна возраст.
Секоја вежбанка содржи 32 едукативни активности за таблетот и 32 активности во книгата. Секоја страница нуди по две забавни и едукативни задачи – една активност во која детето ги запишува одговорите директно во вежбанката и друга што се изведува на интерактивниот таблет, преку цртање, преку пишување и преку вежбање.
Со помош на специјалното пенкало за „пиши-бриши“-таблетот, децата можат бесконечно да создаваат, да пробуваат и да учат. Со едно притискање на копчето на врвот на таблетот, нацртаното се брише и тие веднаш се подготвени за нов предизвик и за нова игра.
Двете вежбанки се внимателно осмислени за различни фази од раниот детски развој.
„Мојот таблет – АБВ, 1, 2, 3 и многу повеќе“, наменет за деца над четири години, ги развива првите вештини поврзани со буквите, со броевите, со почетното пишување, со препознавањето форми и со основните поими, преку разновидни и интересни активности.
„Мојот таблет – Први зборови, математика и многу повеќе“, наменет за деца над пет години, ги поттикнува децата да ги развиваат почетните математички вештини, да ги збогатуваат првите зборови, да бројат, да поврзуваат, да споредуваат и да решаваат едноставни задачи низ игра.
Интерактивните активности ги поттикнуваат концентрацијата, фината моторика, самостојноста и самодовербата кај децата, а можноста за неограничено пишување и бришење го прави учењето уште позабавно, покреативно и поефикасно.
Изданијата се достапни во книжарниците на Литература.мк и онлајн преку www.literatura.mk.
