.jpg)
Поттикнете ја креативноста и исполнете го квалитетно слободното време со своите деца со двете нови сечи-лепи сетови со креативни страници со индивидуални активности.
„Природа“ и „Фарма“, кои се во продукција на „Скрипти“, им овозможуваат на децата низ игра и низ забава да откриваат, да создаваат и да учат. Практичните комплети со активности се наменети за развивање на креативноста, на вниманието и на фините моторни вештини.
Секој комплет содржи 24 работни листови и 50 налепници, со разновидни задачи што го поттикнуваат детето самостојно да истражува и да создава. Покрај сечењето и лепењето, активностите вклучуваат боење, пиши-бриши задачи, поврзување и пронаоѓање.
Со користењето ножички и со составувањето различни форми, децата ги усовршуваат фините моторни вештини, ја развиваат прецизноста и ја поттикнуваат својата имагинација.
„Природа“ и „Фарма“ се создадени за забавна и за креативна самостојна игра, но и за заеднички моменти со родителите. Комплетите се одличен избор за дома, за патување или за одмор – секоја страница носи нов предизвик и нова можност за создавање.
Новите изданија се веќе достапни во книжарниците на Литература.мк, како и онлајн преку www.literatura.mk.
